Al-Qassam: Tumeangamiza na kukamata mateka askari kadhaa wa Kizayuni + Video

-

 


Abu Obeida, Msemaji wa Brigedi za Izzuddinul-Qassam, tawi la kijeshi la Harakati ya Muqawama wa Kiislamu ya Palestina HAMAS ametangaza kuwa, wapiganaji wa brigedi hizo wamekinasa kwa kukiwekea chambo chini ya handaki kikosi cha jeshi la Kizayuni na kufanikiwa kuwaangamiza, kuwajeruhi na kuwakamata mateka askari kadhaa wa jeshi hilo katika eneo la kambi ya Jabalia kaskazini mwa Ukanda wa Ghaza.

Abu Obeidah, ameonyesha mkanda wa video wa operesheni hiyo iliyotekelezwa na Muqawama na kutangaza kuwa jana Jumamosi jioni katika kambi ya Jabalia, wapiganaji wa Kipalestina waliwawekea chambo wanajeshi wa Israel kilichowaingiza kwenye moja ya mahandaki na kufanikiwa kuwaangamiza na kuwajeruhi askari kadhaa, mbali na wengine waliowakamata mateka.
 
Kufuatia kutangazwa habari hiyo ya kukamatwa mateka wanajeshi kadhaa wa utawala huo ghasibu wa Kizayuni huko Ghaza, furaha, nderemo na vifijo vilitawala jana usiku katika miji ya Dura na Sour na kwenye kambi za wakimbizi wa Kipalestina za Ain Al-Hilweh na Nahr al-Bared zilizoko nchini Lebanon na katika kambi zingine kadhaa.
Wanamuqawama wa Al-Qassam

Katika Ukingo wa Magharibi wa Mto Jordan pia, sauti za Takbira zilisikika kutoka kwenye vipaza sauti vya misikiti zilizowataka pia watu wamiminike mitaani kusherehekea ushindi huo.

 
Japokuwa kama ilivyokuwa huko nyuma jeshi la utawala bandia wa Israel lilikanusha haraka tukio hilo, msemaji wa Izzuddinul-Qassam alitoa mkanda wa video wa operesheni hiyo iliyotekelezwa na wapiganaji wa Muqawama iliyoonyesha pia silaha na zana zilizonaswa kutoka kwa wanajeshi wa Israel.
 
Mwanachama huyo mwandamizi wa Hamas amebainisha pia kuwa tangu wiki mbili zilizopita, makumi ya operesheni za kijeshi zimetekelezwa dhidi ya jeshi vamizi la Kizayuni huko Rafah na Beit Hanoun, wakati jeshi hilo linajaribu kuwaonyesha Wazayuni kwamba "kufukua makaburi" ya maiti za Wapalestina huko Ghaza ni mafanikio ya kijeshi na kimaadili ambayo limepata katika eneo hilo.../

Popular posts from this blog

-
Image
 China inapaswa kuadhibiwa - mkuu wa NATO Jens Stoltenberg amedai kuwa Beijing lazima ilipe gharama kwa ajili ya kuisaidia Urusi wakati wa mzozo wa Ukraine Katibu Mkuu wa NATO Jens Stoltenberg amesema China lazima ilipe gharama kwa madai ya kuendeleza kampeni ya kijeshi ya Urusi nchini Ukraine, akisema Beijing "inachochea" mzozo huo kwa kusambaza vifaa vya kielektroniki na vifaa vingine muhimu kwa Moscow. "Ukweli ni kwamba China inachochea mzozo mkubwa zaidi wa silaha barani Ulaya tangu Vita vya Kidunia vya pili," Stoltenberg alisema Jumatatu katika hotuba yake katika Kituo cha Wilson huko Washington. "Wakati huo huo, inataka kudumisha uhusiano mzuri na Magharibi. Kweli, Beijing haiwezi kuwa nayo kwa njia zote mbili. Wakati fulani, isipokuwa China itabadilika, washirika wanahitaji kuweka gharama. Stoltenberg ameishambulia China mara kwa mara tangu mgogoro wa Ukraine ulipoanza Februari 2022, akisema kuwa Beijing ilikuwa ikiiwezesha Urusi kupigana dhidi ya Kiev,
Read more

Jeshi la Wanamaji la Marekani limesema linakabiliwa na vita 'kali zaidi' tangu Vita vya Pili vya Dunia dhidi ya Wayemeni

-
Image
 Jeshi la Wanamaji la Marekani limesema linakabiliwa na vita 'kali zaidi' tangu Vita vya Pili vya Dunia dhidi ya Wayemeni Ujumbe unaoongozwa na Marekani hadi sasa umeshindwa kukomesha mashambulizi ya Wayemeni dhidi ya meli za Bahari Nyekundu Kampeni inayoongozwa na Marekani ya kulinda maslahi ya Israel katika Bahari Nyekundu imeongezeka na kuwa "mapambano makali zaidi" ya baharini ambayo Jeshi la Wanamaji limekabiliana nalo tangu Vita vya Kidunia vya pili, kulingana na ripoti ya AP ikiwanukuu makamanda na wataalam wa jeshi la Amerika. Ripoti hiyo inasema Jeshi la Wanamaji la Marekani limechoka baada ya kukabiliana na operesheni za kijeshi za majini zisizokoma za Wanajeshi wa Yemen kwa zaidi ya miezi saba, huku makamanda wakionya kwamba hali hiyo ni hatari kwao. "Sidhani kama watu wanaelewa jinsi tunavyofanya ni hatari na jinsi meli zinavyoendelea kuwa hatarini," Cmdr. Eric Blomberg aliiambia AP ndani ya meli ya kivita ya USS Laboon katika Bahari Nyekundu. &q
Read more

Putin asaini mkataba wa kituo cha Mwezi na China

-
 Putin asaini mkataba wa kituo cha Mwezi na China Makubaliano na Beijing yanalenga kuunganisha jukumu kuu la Urusi katika uchunguzi wa anga, Moscow imesema. Rais Vladimir Putin ametia saini sheria ya kuridhia makubaliano ya serikali kati ya Urusi na China kuhusu ushirikiano katika ujenzi wa Kituo cha Kimataifa cha Utafiti wa Mwezi (ILRS). Hati hiyo, ambayo rais anaidhinisha makubaliano ya kwanza yaliyokubaliwa na Moscow na Beijing mnamo 2022, ilichapishwa Jumatano kwenye tovuti rasmi ya habari ya kisheria ya Urusi. Sheria ya uidhinishaji mwezi uliopita ilipitisha nyumba ya chini ya bunge la Urusi, Jimbo la Duma, na wiki iliyopita ilipitishwa na baraza la juu, Baraza la Shirikisho. Makubaliano ya kushirikiana kwenye kituo cha Mwezi "yanakidhi maslahi ya Urusi kwa sababu yatachangia kuimarisha ushirikiano wa kimkakati wa Russia na China" na yatatoa "kuunganishwa kwa jukumu kuu la Urusi katika uchunguzi wa anga ya nje, ikiwa ni pamoja na katika uchunguzi na matumizi ya Mwez
Read more