Biden airuhusu Ukraine ishambulie maeneo ya Russia kwa silaha za Marekani, aikasirisha Moscow

-
  • Biden airuhusu Ukraine ishambulie maeneo ya Russia kwa silaha za Marekani, aikasirisha Moscow

Rais Joe Biden wa Marekani amelegeza marufuku aliyokuwa ameiwekea Ukraine na kuiruhusu kutumia silaha za Washington kushambulia ndani ya ardhi ya Russia ili kuisaidia kulinda eneo lake la kaskazini mashariki la Kharkiv dhidi ya mashambulizi.

Maafisa kadhaa wa Marekani waliozungumza kwa sharti la kutotajwa majina yao wameviambia vyombo kadhaa vya habari kwamba Kyiv itaruhusiwa kutumia silaha kwenye mpaka wa eneo la Kharkiv ambalo lilianza kushambuliwa tena na Russia mapema mwezi huu.

Uamuzi huo unaashiria mabadiliko ya sera ya Biden ambaye awali alikataa kuiruhusu Kyiv kutumia silaha za Marekani nje ya mipaka ya Ukraine, na unachukuliwa huku Ufaransa na nchi nyingine za Ulaya zikidokeza kuwa zitairuhusu Ukraine kutumia silaha zao kulenga maeneo ya kijeshi ndani ya ardhi ya Russia.

Kwa uamuzi huo, Kyiv itaidhinishwa kushambulia maeneo ya kijeshi kwenye mpaka na mkoa wa Kharkiv, ambao vijiji vyake kadhaa vilitekwa na Russia tangu Mei 10 na kuwafanya maelfu ya watu walazimike kuyahama makazi yao.

Putin (kushoto) na Zelensky

Hayo yanajiri katika hali ambayo, Rais Vladimir Putin wa Russia alionya siku ya Jumanne juu ya alichokiita "matokeo hasi makubwa", akisisitizia nguvu na uwezo wa nyuklia wa nchi yake, endapo washirika wa Magharibi wa Ukraine watalegeza sera zao za awali.

Wakati huohuo Shirika la habari la  RIA la Russia limemnukuu Andrei Kartapolov, mkuu wa kamati ya ulinzi ya Bunge la Chini akisema kuwa, Moscow italipiza kisasi kwa njia isiyo na mlingano kwa mashambulizi ya Ukraine dhidi ya ardhi yake kwa kutumia silaha zinazotolewa na Marekani.

Kartapolov amesisitiza kuwa uamuzi wa Biden wa kuruhusu mashambulizi ya makombora yenye mpaka maalumu kufanywa ndani ya ardhi ya Russia kwa kutumia silaha za Marekani hautaathiri operesheni ya kijeshi ya Moscow nchini Ukraine.../

 

Popular posts from this blog

Jeshi la Wanamaji la Marekani limesema linakabiliwa na vita 'kali zaidi' tangu Vita vya Pili vya Dunia dhidi ya Wayemeni

-
Image
 Jeshi la Wanamaji la Marekani limesema linakabiliwa na vita 'kali zaidi' tangu Vita vya Pili vya Dunia dhidi ya Wayemeni Ujumbe unaoongozwa na Marekani hadi sasa umeshindwa kukomesha mashambulizi ya Wayemeni dhidi ya meli za Bahari Nyekundu Kampeni inayoongozwa na Marekani ya kulinda maslahi ya Israel katika Bahari Nyekundu imeongezeka na kuwa "mapambano makali zaidi" ya baharini ambayo Jeshi la Wanamaji limekabiliana nalo tangu Vita vya Kidunia vya pili, kulingana na ripoti ya AP ikiwanukuu makamanda na wataalam wa jeshi la Amerika. Ripoti hiyo inasema Jeshi la Wanamaji la Marekani limechoka baada ya kukabiliana na operesheni za kijeshi za majini zisizokoma za Wanajeshi wa Yemen kwa zaidi ya miezi saba, huku makamanda wakionya kwamba hali hiyo ni hatari kwao. "Sidhani kama watu wanaelewa jinsi tunavyofanya ni hatari na jinsi meli zinavyoendelea kuwa hatarini," Cmdr. Eric Blomberg aliiambia AP ndani ya meli ya kivita ya USS Laboon katika Bahari Nyekundu. ...
Read more
-
Image
 China inapaswa kuadhibiwa - mkuu wa NATO Jens Stoltenberg amedai kuwa Beijing lazima ilipe gharama kwa ajili ya kuisaidia Urusi wakati wa mzozo wa Ukraine Katibu Mkuu wa NATO Jens Stoltenberg amesema China lazima ilipe gharama kwa madai ya kuendeleza kampeni ya kijeshi ya Urusi nchini Ukraine, akisema Beijing "inachochea" mzozo huo kwa kusambaza vifaa vya kielektroniki na vifaa vingine muhimu kwa Moscow. "Ukweli ni kwamba China inachochea mzozo mkubwa zaidi wa silaha barani Ulaya tangu Vita vya Kidunia vya pili," Stoltenberg alisema Jumatatu katika hotuba yake katika Kituo cha Wilson huko Washington. "Wakati huo huo, inataka kudumisha uhusiano mzuri na Magharibi. Kweli, Beijing haiwezi kuwa nayo kwa njia zote mbili. Wakati fulani, isipokuwa China itabadilika, washirika wanahitaji kuweka gharama. Stoltenberg ameishambulia China mara kwa mara tangu mgogoro wa Ukraine ulipoanza Februari 2022, akisema kuwa Beijing ilikuwa ikiiwezesha Urusi kupigana dhidi ya Kiev, ...
Read more

Putin asaini mkataba wa kituo cha Mwezi na China

-
 Putin asaini mkataba wa kituo cha Mwezi na China Makubaliano na Beijing yanalenga kuunganisha jukumu kuu la Urusi katika uchunguzi wa anga, Moscow imesema. Rais Vladimir Putin ametia saini sheria ya kuridhia makubaliano ya serikali kati ya Urusi na China kuhusu ushirikiano katika ujenzi wa Kituo cha Kimataifa cha Utafiti wa Mwezi (ILRS). Hati hiyo, ambayo rais anaidhinisha makubaliano ya kwanza yaliyokubaliwa na Moscow na Beijing mnamo 2022, ilichapishwa Jumatano kwenye tovuti rasmi ya habari ya kisheria ya Urusi. Sheria ya uidhinishaji mwezi uliopita ilipitisha nyumba ya chini ya bunge la Urusi, Jimbo la Duma, na wiki iliyopita ilipitishwa na baraza la juu, Baraza la Shirikisho. Makubaliano ya kushirikiana kwenye kituo cha Mwezi "yanakidhi maslahi ya Urusi kwa sababu yatachangia kuimarisha ushirikiano wa kimkakati wa Russia na China" na yatatoa "kuunganishwa kwa jukumu kuu la Urusi katika uchunguzi wa anga ya nje, ikiwa ni pamoja na katika uchunguzi na matumizi ya Mwez...
Read more