Wataalamu zaidi ya 50 wa UN wataka Israel iwekewe vikwazo na marufuku ya silaha

-


  • Wataalamu zaidi ya 50 wa UN wataka Israel iwekewe vikwazo na marufuku ya silaha

Wataalamu zaidi ya 50 wa Umoja wa Mataifa wametoa mwito wa kuchukuliwa "hatua madhubuti kimataifa" baada ya kuelezea walivyokasirishwa na shambulio la kinyama la jeshi la utawala wa Kizayuni wa Israel ambalo liliua Wapalestina wasiopungua 45 waliokuwa wametafuta hifadhi kwenye kambi ya muda huko Rafah, kusini mwa Ukanda wa Ghaza.

Wataalamu hao wa UN wamesema: "picha za kutisha za uharibifu, watu kubaki bila makazi na vifo zimeibuka kutoka Rafah, zikiwemo za watoto wachanga walioraruliwa vipandevipande na watu kuteketezwa wakiwa hai".
Kundi hilo la wataalamu zaidi ya 50 wa Umoja wa Mataifa limeendelea kueleza katika taarifa yake kwamba, ripoti zilizotoka kwenye eneo lililolengwa zinaonyesha kuwa shambulio la jeshi la Kizayuni lilikuwa la kiholela na lisilo na mlingano, na lilifanywa wakati watu wakiwa wamekwama ndani wakiungua kwenye mahema ya plastiki, na kusababisha vifo vya kutisha.

Wataalamu hao wa UN wamebainisha kuwa, mashambulizi hayo "ya kinyama" yanaingia kwenye kundi la ukiukaji mkubwa wa sheria za vita, na wakaongeza kuwa wao kwa upande wao wamefadhaishwa sana na jinsi jamii ya kimataifa ilivyoshindwa kukomesha mashambulizi ya Israel dhidi ya Ghaza.
Wataalamu hao wametaka uchunguzi huru ufanyike kuhusu shambulio la Rafah, sambamba na kuchukuliwa hatua za haraka za kuuwekea utawala wa Kizayuni wa Israel vikwazo na marufuku ya silaha.

Aidha wamesema, kueleza kuwa shambulio la Rafah lilifanywa 'kimakosa' hakulifanyi liwe halali wala hakuwarejeshi waliouawa au kuwafariji manusura.
Kundi hilo la wataalamu wa Umoja wa Mataifa limemalizia taarifa yake kwa kusema: "machungu ya watu wa Ghaza lazima yakomeshwe hivi sasa hivi".../

Popular posts from this blog

Jeshi la Wanamaji la Marekani limesema linakabiliwa na vita 'kali zaidi' tangu Vita vya Pili vya Dunia dhidi ya Wayemeni

-
Image
 Jeshi la Wanamaji la Marekani limesema linakabiliwa na vita 'kali zaidi' tangu Vita vya Pili vya Dunia dhidi ya Wayemeni Ujumbe unaoongozwa na Marekani hadi sasa umeshindwa kukomesha mashambulizi ya Wayemeni dhidi ya meli za Bahari Nyekundu Kampeni inayoongozwa na Marekani ya kulinda maslahi ya Israel katika Bahari Nyekundu imeongezeka na kuwa "mapambano makali zaidi" ya baharini ambayo Jeshi la Wanamaji limekabiliana nalo tangu Vita vya Kidunia vya pili, kulingana na ripoti ya AP ikiwanukuu makamanda na wataalam wa jeshi la Amerika. Ripoti hiyo inasema Jeshi la Wanamaji la Marekani limechoka baada ya kukabiliana na operesheni za kijeshi za majini zisizokoma za Wanajeshi wa Yemen kwa zaidi ya miezi saba, huku makamanda wakionya kwamba hali hiyo ni hatari kwao. "Sidhani kama watu wanaelewa jinsi tunavyofanya ni hatari na jinsi meli zinavyoendelea kuwa hatarini," Cmdr. Eric Blomberg aliiambia AP ndani ya meli ya kivita ya USS Laboon katika Bahari Nyekundu. &q
Read more
-
Image
 China inapaswa kuadhibiwa - mkuu wa NATO Jens Stoltenberg amedai kuwa Beijing lazima ilipe gharama kwa ajili ya kuisaidia Urusi wakati wa mzozo wa Ukraine Katibu Mkuu wa NATO Jens Stoltenberg amesema China lazima ilipe gharama kwa madai ya kuendeleza kampeni ya kijeshi ya Urusi nchini Ukraine, akisema Beijing "inachochea" mzozo huo kwa kusambaza vifaa vya kielektroniki na vifaa vingine muhimu kwa Moscow. "Ukweli ni kwamba China inachochea mzozo mkubwa zaidi wa silaha barani Ulaya tangu Vita vya Kidunia vya pili," Stoltenberg alisema Jumatatu katika hotuba yake katika Kituo cha Wilson huko Washington. "Wakati huo huo, inataka kudumisha uhusiano mzuri na Magharibi. Kweli, Beijing haiwezi kuwa nayo kwa njia zote mbili. Wakati fulani, isipokuwa China itabadilika, washirika wanahitaji kuweka gharama. Stoltenberg ameishambulia China mara kwa mara tangu mgogoro wa Ukraine ulipoanza Februari 2022, akisema kuwa Beijing ilikuwa ikiiwezesha Urusi kupigana dhidi ya Kiev,
Read more

Hamas yadai kuwakamata wanajeshi wa Israel lakini Israel imekanusha madai hayo

-
Image
  Msemaji wa Brigedi za Al-Qassam Abu Ubaida, - tawi la kijeshi la Hamas, ametangaza kuwakamata wanajeshi wa Israel katika Ukanda wa Gaza. Alisema, katika hotuba yake iliyorekodiwa, kwamba wapiganaji wa Al-Qassam walifanikiwa kuwakamata wanajeshi kaskazini mwa Ukanda wa Gaza kwa "kuwarubuni wanajeshi wa Israel kwenye moja ya handaki." Alisema kwamba hali za wanajeshi waliokuwa kwenye handaki ni kati ya waliofariki, waliotekwa na kujeruhiwa. Abu Ubaida aliendelea: “Mujahidina wetu waliweza kukamata wanajeshi wa Israeli kutoka katika kikosi kilichoko kambi ya Jabalia. Ameongeza kuwa vikosi vya Al-Qassam walifanya makumi ya operesheni dhidi ya wanajeshi wa Israel katika kipindi cha zaidi ya wiki mbili huko Rafah na Beit Hanoun - Erez. Hata hivyo, msemaji wa jeshi la Israel Daniel Hagari alikanusha habari hizo kwenye akaunti yake ya mtandao wa X, akisema: "Ufafanuzi: Hakuna tukio la kuwateka nyara wanajeshi." Jeshi la Israel limeendelea kushambulia kwa mabomu Ukanda wa
Read more