Al Houthi: Jeshi la Yemen litaendelea kushambulia manowari kubwa ya kivita ya Marekani

-

 

  • Al Houthi: Jeshi la Yemen litaendelea kushambulia manowari kubwa ya kivita ya Marekani

Kiongozi wa Harakati ya Muqawama ya Ansarullah ya Yemen ameapa kwamba Jeshi la nchi hiyo litaendelea kulenga meli kubwa ya kivita ya Marekani yenye uwezo wa kusheheni ndege za kivita ijulikanayo kama USS Dwight D. Eisenhower.

Hadi sasa Jeshi la Yemen limeishambulia manowari hiyo ya kisasa ya Marekani mara mbili katika operesheni za kujibu uchokozi wa Marekani dhidi ya Yemen na pia kuwaunga mkono Wapalestina wa Ukanda wa Gaza ambao wanakabiliwa na mauaji ya kimbari yanayotekelezwa na Israel kwa himaya kamili ya Marekani.

Abdul-Malik al-Houthi alisema katika hotuba yake siku ya Alhamisi kwamba "Manowari ya Marekani yenye kusheheni ndege za kivita, 'Eisenhower' itasalia kuwa shabaha ya wanajeshi wa Yemen wakati wowote fursa inapotokea,".

Manoari hiyo ililengwa na vikosi vya Yemen katika Bahari ya Sham siku ya Ijumaa na kisha Jumamosi.

Vikosi vya Marekani na Uingereza vimekuwa vikifanya mashambulizi mbalimbali dhidi ya Yemen kama njia ya kujaribu kusitisha operesheni zake zinazoiunga mkono Palestina.

Hivi karibuni, ndege za kivita za Marekani na Uingereza zililenga majimbo ya magharibi mwa Yemen ya Sana'a, al-Hudaydah na Ta'izz, na kuua watu wasiopungua 16 na kujeruhi wengine zaidi ya 40.

Al Houthi alisema baada ya mashambulio ya vikosi vya Yemen, "meli hiyo ya kivita ya Marekani yenye kusheheni ndege ilisonga mbali kutoka pwani ya Yemen.  Kiongozi wa Ansarullah amesema 'Eisenhower' ilikuwa kilomita 400 kutoka pwani ya Yemeni wakati ilipolengwa, kisha ikahamia takriban kilomita 880 kaskazini magharibi mwa wa Jeddah."

Washington, hata hivyo, ilijaribu kukanusha kwamba meli hiyo ilikuwa ikilengwa, al-Houthi aliongeza, na kusema sababu ya kukanusha huko ni kuepuka fedheha.

Jeshi la Yemen limefanya mashambulizi mengi yanayoiunga mkono Palestina tangu Oktoba 7, wakati utawala wa Israel ulipoanzisha vita vya mauaji ya kimbari dhidi ya Gaza.

Popular posts from this blog

-
Image
 China inapaswa kuadhibiwa - mkuu wa NATO Jens Stoltenberg amedai kuwa Beijing lazima ilipe gharama kwa ajili ya kuisaidia Urusi wakati wa mzozo wa Ukraine Katibu Mkuu wa NATO Jens Stoltenberg amesema China lazima ilipe gharama kwa madai ya kuendeleza kampeni ya kijeshi ya Urusi nchini Ukraine, akisema Beijing "inachochea" mzozo huo kwa kusambaza vifaa vya kielektroniki na vifaa vingine muhimu kwa Moscow. "Ukweli ni kwamba China inachochea mzozo mkubwa zaidi wa silaha barani Ulaya tangu Vita vya Kidunia vya pili," Stoltenberg alisema Jumatatu katika hotuba yake katika Kituo cha Wilson huko Washington. "Wakati huo huo, inataka kudumisha uhusiano mzuri na Magharibi. Kweli, Beijing haiwezi kuwa nayo kwa njia zote mbili. Wakati fulani, isipokuwa China itabadilika, washirika wanahitaji kuweka gharama. Stoltenberg ameishambulia China mara kwa mara tangu mgogoro wa Ukraine ulipoanza Februari 2022, akisema kuwa Beijing ilikuwa ikiiwezesha Urusi kupigana dhidi ya Kiev,
Read more

Jeshi la Wanamaji la Marekani limesema linakabiliwa na vita 'kali zaidi' tangu Vita vya Pili vya Dunia dhidi ya Wayemeni

-
Image
 Jeshi la Wanamaji la Marekani limesema linakabiliwa na vita 'kali zaidi' tangu Vita vya Pili vya Dunia dhidi ya Wayemeni Ujumbe unaoongozwa na Marekani hadi sasa umeshindwa kukomesha mashambulizi ya Wayemeni dhidi ya meli za Bahari Nyekundu Kampeni inayoongozwa na Marekani ya kulinda maslahi ya Israel katika Bahari Nyekundu imeongezeka na kuwa "mapambano makali zaidi" ya baharini ambayo Jeshi la Wanamaji limekabiliana nalo tangu Vita vya Kidunia vya pili, kulingana na ripoti ya AP ikiwanukuu makamanda na wataalam wa jeshi la Amerika. Ripoti hiyo inasema Jeshi la Wanamaji la Marekani limechoka baada ya kukabiliana na operesheni za kijeshi za majini zisizokoma za Wanajeshi wa Yemen kwa zaidi ya miezi saba, huku makamanda wakionya kwamba hali hiyo ni hatari kwao. "Sidhani kama watu wanaelewa jinsi tunavyofanya ni hatari na jinsi meli zinavyoendelea kuwa hatarini," Cmdr. Eric Blomberg aliiambia AP ndani ya meli ya kivita ya USS Laboon katika Bahari Nyekundu. &q
Read more

Putin asaini mkataba wa kituo cha Mwezi na China

-
 Putin asaini mkataba wa kituo cha Mwezi na China Makubaliano na Beijing yanalenga kuunganisha jukumu kuu la Urusi katika uchunguzi wa anga, Moscow imesema. Rais Vladimir Putin ametia saini sheria ya kuridhia makubaliano ya serikali kati ya Urusi na China kuhusu ushirikiano katika ujenzi wa Kituo cha Kimataifa cha Utafiti wa Mwezi (ILRS). Hati hiyo, ambayo rais anaidhinisha makubaliano ya kwanza yaliyokubaliwa na Moscow na Beijing mnamo 2022, ilichapishwa Jumatano kwenye tovuti rasmi ya habari ya kisheria ya Urusi. Sheria ya uidhinishaji mwezi uliopita ilipitisha nyumba ya chini ya bunge la Urusi, Jimbo la Duma, na wiki iliyopita ilipitishwa na baraza la juu, Baraza la Shirikisho. Makubaliano ya kushirikiana kwenye kituo cha Mwezi "yanakidhi maslahi ya Urusi kwa sababu yatachangia kuimarisha ushirikiano wa kimkakati wa Russia na China" na yatatoa "kuunganishwa kwa jukumu kuu la Urusi katika uchunguzi wa anga ya nje, ikiwa ni pamoja na katika uchunguzi na matumizi ya Mwez
Read more