Chama cha ANC chatafuta washirika kuunda serikali

-

 


  • Chama cha ANC chatafuta washirika kuunda serikali

Chama tawala cha Afrika ya Kusini cha African National Congress (ANC) kiko njiapanda katika juhudi zake za kusaka washirika kinachoweza kuunda nao serikali ya pamoja.

Chama hicho kinakabiliwa na changamoto hiyo baada ya kupoteza wingi wa viti vya bunge katika uchaguzi uliofanyika wiki iliyopita ikiwa ni mara ya kwanza tangu kilipoingia madarakani nchini Afrika Kusini miaka 30 iliyopita.

Vyama vyenye uwezekano wa kuunda ushirika na chama cha ANC vyenye itikadi tofauti zinazokinzana ni pamoja na Democratic Alliance, chama cha aliyekuwa Rais wa zamani Jacob Zuma cha uMkhonto we Sizwe pamoja Economic Freedom Fighters (EFF) cha Julius Malema.

Chama cha DA na chama kidogo cha  Inkatha Freedom (IFP) vilishatangaza kuwa vimeandaa timu za wawakilishi wao kwa ajili ya majadiliano na vyama vingine. Vyama hivyo ni sehemu ya muungano ulioanzishwa kabla ya uchaguzi.

Rais wa Afrika Kusini Cyril Ramaphosa 

 

Kulingana na katiba ya Afrika ya Kusini, bunge jipya lililotokana na uchaguzi huo linapaswa kuanza kazi ndani ya wiki mbili baada ya kutangazwa kwa matokeo ya uchaguzi na moja ya majukumu yake ya awali ni kumchagua Rais ajaye wa taifa hilo.

KKwa mujibu wa nmatokeo ya uchaguzi Chama cha ANC kimeshinda chini ya nusu ya viti katika Bunge la Afrika Kusini kwa kupata viti 159 kati ya 400. Katika bunge lililopita, ANC ilikuwa na viti 230.

Chama cha Democratic Alliance (DA) - chama kilichoshika nafasi ya pili katika uchaguzi - kimeteua timu ya mazungumzo wakati kikianza mazungumzo ya kuunda muungano na ANC.

Popular posts from this blog

Jeshi la Wanamaji la Marekani limesema linakabiliwa na vita 'kali zaidi' tangu Vita vya Pili vya Dunia dhidi ya Wayemeni

-
Image
 Jeshi la Wanamaji la Marekani limesema linakabiliwa na vita 'kali zaidi' tangu Vita vya Pili vya Dunia dhidi ya Wayemeni Ujumbe unaoongozwa na Marekani hadi sasa umeshindwa kukomesha mashambulizi ya Wayemeni dhidi ya meli za Bahari Nyekundu Kampeni inayoongozwa na Marekani ya kulinda maslahi ya Israel katika Bahari Nyekundu imeongezeka na kuwa "mapambano makali zaidi" ya baharini ambayo Jeshi la Wanamaji limekabiliana nalo tangu Vita vya Kidunia vya pili, kulingana na ripoti ya AP ikiwanukuu makamanda na wataalam wa jeshi la Amerika. Ripoti hiyo inasema Jeshi la Wanamaji la Marekani limechoka baada ya kukabiliana na operesheni za kijeshi za majini zisizokoma za Wanajeshi wa Yemen kwa zaidi ya miezi saba, huku makamanda wakionya kwamba hali hiyo ni hatari kwao. "Sidhani kama watu wanaelewa jinsi tunavyofanya ni hatari na jinsi meli zinavyoendelea kuwa hatarini," Cmdr. Eric Blomberg aliiambia AP ndani ya meli ya kivita ya USS Laboon katika Bahari Nyekundu. &q
Read more
-
Image
 China inapaswa kuadhibiwa - mkuu wa NATO Jens Stoltenberg amedai kuwa Beijing lazima ilipe gharama kwa ajili ya kuisaidia Urusi wakati wa mzozo wa Ukraine Katibu Mkuu wa NATO Jens Stoltenberg amesema China lazima ilipe gharama kwa madai ya kuendeleza kampeni ya kijeshi ya Urusi nchini Ukraine, akisema Beijing "inachochea" mzozo huo kwa kusambaza vifaa vya kielektroniki na vifaa vingine muhimu kwa Moscow. "Ukweli ni kwamba China inachochea mzozo mkubwa zaidi wa silaha barani Ulaya tangu Vita vya Kidunia vya pili," Stoltenberg alisema Jumatatu katika hotuba yake katika Kituo cha Wilson huko Washington. "Wakati huo huo, inataka kudumisha uhusiano mzuri na Magharibi. Kweli, Beijing haiwezi kuwa nayo kwa njia zote mbili. Wakati fulani, isipokuwa China itabadilika, washirika wanahitaji kuweka gharama. Stoltenberg ameishambulia China mara kwa mara tangu mgogoro wa Ukraine ulipoanza Februari 2022, akisema kuwa Beijing ilikuwa ikiiwezesha Urusi kupigana dhidi ya Kiev,
Read more

Hamas yadai kuwakamata wanajeshi wa Israel lakini Israel imekanusha madai hayo

-
Image
  Msemaji wa Brigedi za Al-Qassam Abu Ubaida, - tawi la kijeshi la Hamas, ametangaza kuwakamata wanajeshi wa Israel katika Ukanda wa Gaza. Alisema, katika hotuba yake iliyorekodiwa, kwamba wapiganaji wa Al-Qassam walifanikiwa kuwakamata wanajeshi kaskazini mwa Ukanda wa Gaza kwa "kuwarubuni wanajeshi wa Israel kwenye moja ya handaki." Alisema kwamba hali za wanajeshi waliokuwa kwenye handaki ni kati ya waliofariki, waliotekwa na kujeruhiwa. Abu Ubaida aliendelea: “Mujahidina wetu waliweza kukamata wanajeshi wa Israeli kutoka katika kikosi kilichoko kambi ya Jabalia. Ameongeza kuwa vikosi vya Al-Qassam walifanya makumi ya operesheni dhidi ya wanajeshi wa Israel katika kipindi cha zaidi ya wiki mbili huko Rafah na Beit Hanoun - Erez. Hata hivyo, msemaji wa jeshi la Israel Daniel Hagari alikanusha habari hizo kwenye akaunti yake ya mtandao wa X, akisema: "Ufafanuzi: Hakuna tukio la kuwateka nyara wanajeshi." Jeshi la Israel limeendelea kushambulia kwa mabomu Ukanda wa
Read more