Saa 2 zilizopita'Wapanga mapinduzi' yaliyoshindwa wafikishwa mahakamani DRC

-

 

Kesi ya watu 51, wakiwemo Wamarekani watatu, wanaotuhumiwa kujaribu kumpindua rais wa Jamhuri ya Kidemokrasia ya Congo mwezi uliopita, imeanza.

Kesi hiyo inaoneshwa moja kwa moja kwenye TV na redio ya taifa kutoka jela ya kijeshi ya N'dolo katika mji mkuu, Kinshasa.

Washtakiwa hao walifikishwa katika mahakama ya kijeshi wakiwa wamevalia mashati ya bluu na manjano, ikiwa ni mara ya kwanza kuonekana hadharani tangu mapinduzi hayo kushindwa.

Waliokamatwa wakati wa mashambulizi kwenye ikulu ya rais na nyumba ya mshirika wa Rais Félix Tshisekedi, wanakabiliwa na mashtaka mengi, ikiwa ni pamoja na kufadhili ugaidi, mauaji na jaribio la mauaji. 

Watu hao walikamatwa tarehe 19 Mei katika ikulu ya rais na nyumbani kwa mmoja wa washirika wa Rais Tshisekedi.

Wizara ya mambo ya nje ya Marekani inasema haijapewa fursa ya kuwafikia raia wake walioko kizuizini.

Watu sita waliuawa wakati wa jaribio la mapinduzi tarehe 19 Mei, akiwemo mshukiwa kiongozi wa njama hiyo Christian Malanga.

Washtakiwa wengine walizuiliwa baada ya mashambulizi dhidi ya Palais de la Nation na nyumba ya Vital Kamerhe, ambaye ni spika wa bunge.

Ripoti za vyombo vya habari vya ndani zilisema washambuliaji hao walikuwa wanachama wa Vuguvugu la New Zaire lenye uhusiano na Malanga, mwanasiasa wa zamani wa Jamhuri ya Kidemokrasia ya Congo ambaye alipata uraia wa Marekani.

Mwanawe Marcel Malanga ni miongoni mwa raia wa Marekani waliokamatwa. Mwingine ni Tyler Thompson mwenye umri wa miaka 21, ambaye familia yake iliiambia BBC wiki hii kuwa "hawakuwa na wazo lolote" jinsi alivyojiingiza katika mpango huo.

Video zilizochukuliwa mjini Kinshasa baada ya tukio hilo zinaonesha Bw Thompson akipigwa na kitako cha bunduki na kupigwa mara kwa mara kichwani na vikosi vya usalama vya Congo.

Watu wengine wa mataifa tofauti pia walihusika na wako mahakamani, kulingana na msemaji wa jeshi Jenerali Sylvain Ekenge.

Mmoja ni raia wa Congo ambaye ana uraia wa Ubelgiji na pia kuna raia wa Canada mwenye asili ya DR Congo

Popular posts from this blog

Jeshi la Wanamaji la Marekani limesema linakabiliwa na vita 'kali zaidi' tangu Vita vya Pili vya Dunia dhidi ya Wayemeni

-
Image
 Jeshi la Wanamaji la Marekani limesema linakabiliwa na vita 'kali zaidi' tangu Vita vya Pili vya Dunia dhidi ya Wayemeni Ujumbe unaoongozwa na Marekani hadi sasa umeshindwa kukomesha mashambulizi ya Wayemeni dhidi ya meli za Bahari Nyekundu Kampeni inayoongozwa na Marekani ya kulinda maslahi ya Israel katika Bahari Nyekundu imeongezeka na kuwa "mapambano makali zaidi" ya baharini ambayo Jeshi la Wanamaji limekabiliana nalo tangu Vita vya Kidunia vya pili, kulingana na ripoti ya AP ikiwanukuu makamanda na wataalam wa jeshi la Amerika. Ripoti hiyo inasema Jeshi la Wanamaji la Marekani limechoka baada ya kukabiliana na operesheni za kijeshi za majini zisizokoma za Wanajeshi wa Yemen kwa zaidi ya miezi saba, huku makamanda wakionya kwamba hali hiyo ni hatari kwao. "Sidhani kama watu wanaelewa jinsi tunavyofanya ni hatari na jinsi meli zinavyoendelea kuwa hatarini," Cmdr. Eric Blomberg aliiambia AP ndani ya meli ya kivita ya USS Laboon katika Bahari Nyekundu. &q
Read more
-
Image
 China inapaswa kuadhibiwa - mkuu wa NATO Jens Stoltenberg amedai kuwa Beijing lazima ilipe gharama kwa ajili ya kuisaidia Urusi wakati wa mzozo wa Ukraine Katibu Mkuu wa NATO Jens Stoltenberg amesema China lazima ilipe gharama kwa madai ya kuendeleza kampeni ya kijeshi ya Urusi nchini Ukraine, akisema Beijing "inachochea" mzozo huo kwa kusambaza vifaa vya kielektroniki na vifaa vingine muhimu kwa Moscow. "Ukweli ni kwamba China inachochea mzozo mkubwa zaidi wa silaha barani Ulaya tangu Vita vya Kidunia vya pili," Stoltenberg alisema Jumatatu katika hotuba yake katika Kituo cha Wilson huko Washington. "Wakati huo huo, inataka kudumisha uhusiano mzuri na Magharibi. Kweli, Beijing haiwezi kuwa nayo kwa njia zote mbili. Wakati fulani, isipokuwa China itabadilika, washirika wanahitaji kuweka gharama. Stoltenberg ameishambulia China mara kwa mara tangu mgogoro wa Ukraine ulipoanza Februari 2022, akisema kuwa Beijing ilikuwa ikiiwezesha Urusi kupigana dhidi ya Kiev,
Read more

Hamas yadai kuwakamata wanajeshi wa Israel lakini Israel imekanusha madai hayo

-
Image
  Msemaji wa Brigedi za Al-Qassam Abu Ubaida, - tawi la kijeshi la Hamas, ametangaza kuwakamata wanajeshi wa Israel katika Ukanda wa Gaza. Alisema, katika hotuba yake iliyorekodiwa, kwamba wapiganaji wa Al-Qassam walifanikiwa kuwakamata wanajeshi kaskazini mwa Ukanda wa Gaza kwa "kuwarubuni wanajeshi wa Israel kwenye moja ya handaki." Alisema kwamba hali za wanajeshi waliokuwa kwenye handaki ni kati ya waliofariki, waliotekwa na kujeruhiwa. Abu Ubaida aliendelea: “Mujahidina wetu waliweza kukamata wanajeshi wa Israeli kutoka katika kikosi kilichoko kambi ya Jabalia. Ameongeza kuwa vikosi vya Al-Qassam walifanya makumi ya operesheni dhidi ya wanajeshi wa Israel katika kipindi cha zaidi ya wiki mbili huko Rafah na Beit Hanoun - Erez. Hata hivyo, msemaji wa jeshi la Israel Daniel Hagari alikanusha habari hizo kwenye akaunti yake ya mtandao wa X, akisema: "Ufafanuzi: Hakuna tukio la kuwateka nyara wanajeshi." Jeshi la Israel limeendelea kushambulia kwa mabomu Ukanda wa
Read more