Wanajeshi wa Korea Kusini wafyatua risasi za onyo baada ya wanajeshi wa Kaskazini kuvuka mpaka

-

.

Wanajeshi wa Korea Kusini walifyatua risasi za onyo baada ya wanajeshi wa Korea Kaskazini kuvuka mpaka kimakosa, jeshi la Seoul lilisema Jumanne.

Tukio hilo lililotokea katika eneo lisilo la kijeshi (DMZ) siku ya Jumapili linajiri huku mvutano ukiendelea kuongezeka kati ya mataifa hayo ya Korea.

Kundi dogo la wanajeshi wa Korea Kaskazini lililokuwa limebeba vifaa vya shambani ikiwemo shoka liliingia Korea Kusini saa 12:30 kwa saa za huko (05:30 GMT), jeshi la Seoul liliripoti.

Walikuwa miongoni mwa watu 20 waliokuwa katika eneo la mpaka wakati huo.

Walirudi nyuma mara tu baada ya Wakorea Kusini kufyatua risasi za kutoa onyo.

Katika wiki za hivi karibuni, Kaskazini imepeperusha mamia ya puto zilizojaa taka hadi miji ya mpakani Kusini.

Seoul imejibu kwa kutangaza propaganda na muziki wa K-pop hadi Kaskazini kwa kutumia vipaza sauti.

Wanaharakati pia wamerusha puto za propaganda kuelekea Kaskazini.

Hakukuwa na harakati mashuhuri kutoka Kaskazini mwa DMZ baada ya wanajeshi wake kurudi Jumapili, jeshi la Seoul lilisema.

“Ndani ya [eneo la mpaka] mimea imeota, na alama za mpaka zimefichwa. Hakuna njia, na walikuwa wakipita kwenye miti iliokuwa," ilisema.

Siku ya Jumatatu, dadake kiongozi wa Korea Kaskazini Kim Jong Un, Kim Yo Jong, alitishia Kusini kwa "makabiliano mapya" ikiwa itaendelea matangazo ya vipaza sauti na iwapo haitawazuia wanaharakati wake kutuma puto.

Desemba mwaka jana, Bw Kim alisitisha juhudi zote za kuungana kwa amani na Kusini, akiishutumu Seoul kwa "uadui" kuelekea Kaskazini.

Tangu wakati huo, Kaskazini ilibomoa mfano wa mnara wa kuunganisha huko Pyongyang na kumaliza mawasiliano yote na Kusini.

Mapema mwezi huu, Korea Kusini ilisitisha kile kilichosalia cha makubaliano yake ya kijeshi ya 2018 na Kaskazini, ambayo yatairuhusu kuanza tena mazoezi na shughuli za propaganda kama vile matangazo ya vipaza sauti.

Korea Kusini ilikuwa imesitisha kwa kiasi makubaliano hayo Novemba mwaka jana, kufuatia Korea Kaskazini kurusha satelaiti ya kijasusi.

Katika miezi ya hivi karibuni, Seoul iligundua wanajeshi wa Korea Kaskazini walikuwa wakitega mabomu ya ardhini kwenye mpaka na kukata reli kuelekea Kusini. Wanajeshi wa Korea Kaskazini pia walionekana wakiweka vituo vya ulinzi ndani ya DMZ.

Popular posts from this blog

Jeshi la Wanamaji la Marekani limesema linakabiliwa na vita 'kali zaidi' tangu Vita vya Pili vya Dunia dhidi ya Wayemeni

-
Image
 Jeshi la Wanamaji la Marekani limesema linakabiliwa na vita 'kali zaidi' tangu Vita vya Pili vya Dunia dhidi ya Wayemeni Ujumbe unaoongozwa na Marekani hadi sasa umeshindwa kukomesha mashambulizi ya Wayemeni dhidi ya meli za Bahari Nyekundu Kampeni inayoongozwa na Marekani ya kulinda maslahi ya Israel katika Bahari Nyekundu imeongezeka na kuwa "mapambano makali zaidi" ya baharini ambayo Jeshi la Wanamaji limekabiliana nalo tangu Vita vya Kidunia vya pili, kulingana na ripoti ya AP ikiwanukuu makamanda na wataalam wa jeshi la Amerika. Ripoti hiyo inasema Jeshi la Wanamaji la Marekani limechoka baada ya kukabiliana na operesheni za kijeshi za majini zisizokoma za Wanajeshi wa Yemen kwa zaidi ya miezi saba, huku makamanda wakionya kwamba hali hiyo ni hatari kwao. "Sidhani kama watu wanaelewa jinsi tunavyofanya ni hatari na jinsi meli zinavyoendelea kuwa hatarini," Cmdr. Eric Blomberg aliiambia AP ndani ya meli ya kivita ya USS Laboon katika Bahari Nyekundu. &q
Read more
-
Image
 China inapaswa kuadhibiwa - mkuu wa NATO Jens Stoltenberg amedai kuwa Beijing lazima ilipe gharama kwa ajili ya kuisaidia Urusi wakati wa mzozo wa Ukraine Katibu Mkuu wa NATO Jens Stoltenberg amesema China lazima ilipe gharama kwa madai ya kuendeleza kampeni ya kijeshi ya Urusi nchini Ukraine, akisema Beijing "inachochea" mzozo huo kwa kusambaza vifaa vya kielektroniki na vifaa vingine muhimu kwa Moscow. "Ukweli ni kwamba China inachochea mzozo mkubwa zaidi wa silaha barani Ulaya tangu Vita vya Kidunia vya pili," Stoltenberg alisema Jumatatu katika hotuba yake katika Kituo cha Wilson huko Washington. "Wakati huo huo, inataka kudumisha uhusiano mzuri na Magharibi. Kweli, Beijing haiwezi kuwa nayo kwa njia zote mbili. Wakati fulani, isipokuwa China itabadilika, washirika wanahitaji kuweka gharama. Stoltenberg ameishambulia China mara kwa mara tangu mgogoro wa Ukraine ulipoanza Februari 2022, akisema kuwa Beijing ilikuwa ikiiwezesha Urusi kupigana dhidi ya Kiev,
Read more

Hamas yadai kuwakamata wanajeshi wa Israel lakini Israel imekanusha madai hayo

-
Image
  Msemaji wa Brigedi za Al-Qassam Abu Ubaida, - tawi la kijeshi la Hamas, ametangaza kuwakamata wanajeshi wa Israel katika Ukanda wa Gaza. Alisema, katika hotuba yake iliyorekodiwa, kwamba wapiganaji wa Al-Qassam walifanikiwa kuwakamata wanajeshi kaskazini mwa Ukanda wa Gaza kwa "kuwarubuni wanajeshi wa Israel kwenye moja ya handaki." Alisema kwamba hali za wanajeshi waliokuwa kwenye handaki ni kati ya waliofariki, waliotekwa na kujeruhiwa. Abu Ubaida aliendelea: “Mujahidina wetu waliweza kukamata wanajeshi wa Israeli kutoka katika kikosi kilichoko kambi ya Jabalia. Ameongeza kuwa vikosi vya Al-Qassam walifanya makumi ya operesheni dhidi ya wanajeshi wa Israel katika kipindi cha zaidi ya wiki mbili huko Rafah na Beit Hanoun - Erez. Hata hivyo, msemaji wa jeshi la Israel Daniel Hagari alikanusha habari hizo kwenye akaunti yake ya mtandao wa X, akisema: "Ufafanuzi: Hakuna tukio la kuwateka nyara wanajeshi." Jeshi la Israel limeendelea kushambulia kwa mabomu Ukanda wa
Read more