Umuhimu na taathira za wimbi jipya la operesheni za vikosi vya Yemeni katika Bahari Nyekundu dhidi ya vikosi vya Marekani

-


  • Umuhimu na taathira za wimbi jipya la operesheni za vikosi vya Yemeni katika Bahari Nyekundu dhidi ya vikosi vya Marekani

Vikosi vya Yemen vimefanikiwa kutekeleza oparesheni mpya kadhaa dhidi ya meli zinazosindikizwa na manowari za Marekani katika Bahari Nyekundu na ya Mediterania.

Yahya Saree, Msemaji wa Jeshi la Yemen ametangaza katika taarifa kuwa vikosi vya majini, ndege zisizo na rubani na makombora vya jeshi la Yemen vimefanikiwa kutekeleza operesheni 6 za kijeshi dhidi ya meli 6 katika Bahari ya Mediterania na Bahari Nyekundu (Bahari ya Sham).

Akiashiria kwamba mashambulio dhidi ya meli hizo yote yamefanywa kutokana na meli hizo kukiuka sheria inayopiga marufuku meli kuingia katika bandari za Palestina inayokaliwa kwa mabavu, Yahya Saree amesisitiza kwamba operesheni hizo kubwa za jeshi la Yemen zimefanyika kwa ajili ya kulisaidia taifa linalodhulumiwa la Palestina na kukabiliana na jinai za adui Mzayuni dhidi ya wakimbizi wa Kipalestina katika eneo la Rafah.

Saree amesema: Meli ya "LAAX" katika Bahari Nyekundu pamoja na meli za "MOREA" na "Sealady" zimelengwa kwa makombora ya balistiki ya vikosi vya Yemeni na mashambulio ya ndege zisizo na rubani. Msemaji wa jeshi la Yemen ameongeza kuwa meli za Marekani za "ALBA", "Maersk HARTFORD" na "MINERVA ANTONIA" zimelengwa katika Bahari ya Mediterania kwa makombora kadhaa ya cruise.

Moja ya operesheni za vikosi vya Yemeni kwenye Bahari Nyekundu 

Shirika la kigaidi la "CENTCOM" pia limeripoti kuwa vikosi vya Yemen vimerusha makombora matano ya balestiki kuelekea Bahari Nyekundu (Sham). Hata kama viongozi wa Marekani wanadai kuwa meli hizo zinamilikiwa na nchi tofauti na kuwa zinabebea mizigo tofauti ya kibiasha lakini ukweli wa mambo ni kwamba hapana shaka kuwa meli hizo hubeba bidhaa mbalimbali na mara nyingi silaha, ambazo baada ya kupakuliwa katika bandari za ardhi zinazokaliwa kwa mabavu (Israel) hatimaye huishia mikononi mwa utawala wa Kizayuni.

Serikali za Marekani na nchi nyingine za Magharibi hutumia meli hizo kupeleka kila aina ya vifaa kwenye ardhi zionazokaliwa kwa mabavu (Israel) kwa kisingizio cha kusafirisha bidhaa za kibiashara. Mwenendo huo umepanuka katika miezi ya hivi karibuni kufuatia kushindwa mfululizo kwa jeshi la Kizayuni katika kukabiliana na vikosi vya muqawama, ambapo Marekani na serikali za Magharibi zinatumia njia ya Bahari Nyekundu kutuma bidhaa na hasa silaha kwa ajili ya kuusaidia utawala wa Kizayuni wa Israel.

Katika kipindi cha miezi kadhaa iliyopita na ikiwa ni katika kuwaunga mkono watu wa Gaza, jeshi la Yemen limelenga meli kadhaa za utawala wa Kizayuni au meli zinazobeba mizigo kwa ajili ya utawala huo, ambazo zilikuwa zinaelekea katika ardhi zinazokaliwa kwa mabavu, katika Bahari ya Shamu, Bahari ya Hindi na Lango Bahari la Bab al-Mandab. Operesheni hizo kubwa za jeshi la Yemen mbali na kukwamisha juhudi za Marekani na Uingereza za kuvunja mzingiro wa majini dhidi ya utawala wa Kizayuni, zimethibitisha nguvu za jeshi la Yemen ambazo Washington haikuwa na habari nazo na hivyo kuwashangaza Wamarekani.

Vikosi vya jeshi la Yemen vimeahidi kuendelea kuzishambulia meli za utawala huo au zinazoelekea katika ardhi zinazokaliwa kwa mabavu pamoja na meli za jeshi la muungano unaounga mkono utawala wa Kizayuni katika Bahari Nyekundu hadi pale utawala huo haramu utakapoamua kusimamisha mashambulizi na mauaji yake ya kimbari dhidi ya Wapalestina huko Gaza. Bahari ya Sham ina nafasi muhimu katika usafiri wa baharini na ni ghuba katika Bahari ya Hindi ambayo iko kati ya Bara Arabu na kaskazini mashariki mwa bara la Afrika. Lango la Bab al-Mandab linaunganisha Bahari ya Hindi na Mfereji wa Suez unaoungana na Bahari ya Mediterania upande wa kaskazini. Bahari ya Sham ndio mpaka kati ya mabara mawili ya Asia na Afrika.

Wimbi jipya la mashambulizi na operesheni za vikosi vya Yemen linaonyesha uwezo wa vikosi vya kieneo katika kukabiliana na uingiliaji wa kigeni na athari zake hasi katika eneo. Jeshi la Marekani licha ya kuwa na suhula zote na uwekezaji mkubwa wa kifedha na zana za kisasa, lakini halijaweza kusimamisha operesheni za jeshi la Yemen na hivyo kuanika peupe udhaifu wao katika uwanja huo.

Operesheni ya jeshi la Yemen ni sehemu ya majibu madhubuti na makali ya vikosi vya muqawama vya Iraq, Lebanon na makundi ya wapiganaji wa ukombozi wa Palestina, ambayo yalianza miezi michache iliyopita kufuatia operesheni ya "Kimbunga cha Al-Aqsa" dhidi ya uvamizi na jinai za Wazayuni, na yanaendelea kupata mafanikio makubwa katika nyanja tofauti za kimkakati na kimbinu.

Popular posts from this blog

-
Image
 China inapaswa kuadhibiwa - mkuu wa NATO Jens Stoltenberg amedai kuwa Beijing lazima ilipe gharama kwa ajili ya kuisaidia Urusi wakati wa mzozo wa Ukraine Katibu Mkuu wa NATO Jens Stoltenberg amesema China lazima ilipe gharama kwa madai ya kuendeleza kampeni ya kijeshi ya Urusi nchini Ukraine, akisema Beijing "inachochea" mzozo huo kwa kusambaza vifaa vya kielektroniki na vifaa vingine muhimu kwa Moscow. "Ukweli ni kwamba China inachochea mzozo mkubwa zaidi wa silaha barani Ulaya tangu Vita vya Kidunia vya pili," Stoltenberg alisema Jumatatu katika hotuba yake katika Kituo cha Wilson huko Washington. "Wakati huo huo, inataka kudumisha uhusiano mzuri na Magharibi. Kweli, Beijing haiwezi kuwa nayo kwa njia zote mbili. Wakati fulani, isipokuwa China itabadilika, washirika wanahitaji kuweka gharama. Stoltenberg ameishambulia China mara kwa mara tangu mgogoro wa Ukraine ulipoanza Februari 2022, akisema kuwa Beijing ilikuwa ikiiwezesha Urusi kupigana dhidi ya Kiev,
Read more

Jeshi la Wanamaji la Marekani limesema linakabiliwa na vita 'kali zaidi' tangu Vita vya Pili vya Dunia dhidi ya Wayemeni

-
Image
 Jeshi la Wanamaji la Marekani limesema linakabiliwa na vita 'kali zaidi' tangu Vita vya Pili vya Dunia dhidi ya Wayemeni Ujumbe unaoongozwa na Marekani hadi sasa umeshindwa kukomesha mashambulizi ya Wayemeni dhidi ya meli za Bahari Nyekundu Kampeni inayoongozwa na Marekani ya kulinda maslahi ya Israel katika Bahari Nyekundu imeongezeka na kuwa "mapambano makali zaidi" ya baharini ambayo Jeshi la Wanamaji limekabiliana nalo tangu Vita vya Kidunia vya pili, kulingana na ripoti ya AP ikiwanukuu makamanda na wataalam wa jeshi la Amerika. Ripoti hiyo inasema Jeshi la Wanamaji la Marekani limechoka baada ya kukabiliana na operesheni za kijeshi za majini zisizokoma za Wanajeshi wa Yemen kwa zaidi ya miezi saba, huku makamanda wakionya kwamba hali hiyo ni hatari kwao. "Sidhani kama watu wanaelewa jinsi tunavyofanya ni hatari na jinsi meli zinavyoendelea kuwa hatarini," Cmdr. Eric Blomberg aliiambia AP ndani ya meli ya kivita ya USS Laboon katika Bahari Nyekundu. &q
Read more

Putin asaini mkataba wa kituo cha Mwezi na China

-
 Putin asaini mkataba wa kituo cha Mwezi na China Makubaliano na Beijing yanalenga kuunganisha jukumu kuu la Urusi katika uchunguzi wa anga, Moscow imesema. Rais Vladimir Putin ametia saini sheria ya kuridhia makubaliano ya serikali kati ya Urusi na China kuhusu ushirikiano katika ujenzi wa Kituo cha Kimataifa cha Utafiti wa Mwezi (ILRS). Hati hiyo, ambayo rais anaidhinisha makubaliano ya kwanza yaliyokubaliwa na Moscow na Beijing mnamo 2022, ilichapishwa Jumatano kwenye tovuti rasmi ya habari ya kisheria ya Urusi. Sheria ya uidhinishaji mwezi uliopita ilipitisha nyumba ya chini ya bunge la Urusi, Jimbo la Duma, na wiki iliyopita ilipitishwa na baraza la juu, Baraza la Shirikisho. Makubaliano ya kushirikiana kwenye kituo cha Mwezi "yanakidhi maslahi ya Urusi kwa sababu yatachangia kuimarisha ushirikiano wa kimkakati wa Russia na China" na yatatoa "kuunganishwa kwa jukumu kuu la Urusi katika uchunguzi wa anga ya nje, ikiwa ni pamoja na katika uchunguzi na matumizi ya Mwez
Read more