Skip to main content

Tetesi za soka Ulaya Alhamisi 31.10.2024

-

 

Tetesi za soka Ulaya Alhamisi 31.10.2024

.

Chanzo cha picha, Getty Images

Maelezo ya picha, Wachezaji wa Man United ambao hawapo katika mpango wa Amorim

Ruben Amorim tayari amezungumzia mipango yake ya uhamisho na uongozi wa Manchester United na haoni winga Antony, viungo Casemiro na Christian Eriksen au beki Victor Lindelof kama sehemu ya mipango yake. (TeamTalks)

Jitihada za United kupata huduma ya Amorim zimegonga mwamba baada ya Sporting kudai pauni milioni 4 kwa wafanyikazi wake pamoja na ada ya kuachiliwa kwa meneja huyo ya pauni milioni 8.3. (Times – Subscription Required)

Amorim anakubali huenda akalazimika kusubiri hadi mapumziko ya kimataifa mwezi ujao ili kujiunga na United. (Telegraph – Subscription Required)

Uamuzi wa West Ham kutomteua Amorim msimu uliopita ulitokana na kutokuwa na uzoefu wa kusimamia klabu kubwa, badala ya kifedha. (Daily Mail), nje

.

Chanzo cha picha, Getty Images

Maelezo ya picha, Kocha wa Sporting Amorim

Barcelona wanavutiwa na winga wa AC Milan Rafael Leao, huku mchezaji huyo wa kimataifa wa Ureno mwenye umri wa miaka 25 kwa sasa akiwa hapendezwi na San Siro. (Sport – Via Spanish)

Manchester City imekataa mipango ya klabu kadhaa kumchukua kiungo mshambuliaji Claudio Echeverri, 18, kwa mkopo huku Muargentina huyo akitarajiwa kuungana na kikosi cha Pep Guardiola kutoka River Plate mwanzoni mwa 2025. (Fabrizio Romano),

Roma wameanza kutafuta meneja mbadala iwapo kocha wa sasa Ivan Juric atashindwa kushinda mechi yao ijayo dhidi ya Torino. (Corriere dello Sport – In Italyo)

Erik ten Hag alifikiria kumsajili mshambuliaji wa zamani wa Manchester United Danny Welbeck, ambaye sasa ana umri wa miaka 33, kutoka Brighton wakati wa uongozi wake kama meneja wa Mashetani Wekundu. (The Athletic – Subscription Required).

.

Chanzo cha picha, Getty Images

Maelezo ya picha, Erik ten Hag

West Ham watakuwa na shida kuendeleza nia yao ya kumnunua fowadi wa Atalanta Ademola Lookman, 27, huku Paris St-Germain wakipewa nafasi kubwa ya kumsajili mchezaji huyo wa kimataifa wa Nigeria iwapo atapatikana. (Football Insider)

Real Madrid watafikiria kumnunua beki wa pembeni wa Tottenham na Uhispania Pedro Porro, 25, ikiwa hawataweza kukamilisha uhamisho wa mlinzi wa Uingereza na Liverpool Trent Alexander-Arnold. (AS – In Spanish)

Klabu za Saudi Pro League zinasalia kuwa na hamu ya kumsajili fowadi wa Brazil Vinicius Junior, 24, kutoka Real Madrid, wakitumai mchezaji huyo atakuwa amechoshwa na soka la Ulaya baada ya kunyimwa tuzo ya Ballon d'Or. (Sport – In Spanish)

.

Chanzo cha picha, Getty Images

Maelezo ya picha, Vinicius Jr

Mshambuliaji wa Ujerumani Thomas Muller, 35, ana nia ya kutaka kuhamia Ligi Kuu ya Soka atakapoondoka Bayern Munich. (Bild – In Deutch)

Napoli wanaendelea na mazungumzo na fowadi wa Georgia Khvicha Kvaratskhelia, 23, kuhusu kandarasi mpya, ambayo itajumuisha kifungu cha kununua cha £84m (euro milioni 100). (Sky Sports Italia – in Italia)

Popular posts from this blog

Jeshi la Wanamaji la Marekani limesema linakabiliwa na vita 'kali zaidi' tangu Vita vya Pili vya Dunia dhidi ya Wayemeni

-
Image
 Jeshi la Wanamaji la Marekani limesema linakabiliwa na vita 'kali zaidi' tangu Vita vya Pili vya Dunia dhidi ya Wayemeni Ujumbe unaoongozwa na Marekani hadi sasa umeshindwa kukomesha mashambulizi ya Wayemeni dhidi ya meli za Bahari Nyekundu Kampeni inayoongozwa na Marekani ya kulinda maslahi ya Israel katika Bahari Nyekundu imeongezeka na kuwa "mapambano makali zaidi" ya baharini ambayo Jeshi la Wanamaji limekabiliana nalo tangu Vita vya Kidunia vya pili, kulingana na ripoti ya AP ikiwanukuu makamanda na wataalam wa jeshi la Amerika. Ripoti hiyo inasema Jeshi la Wanamaji la Marekani limechoka baada ya kukabiliana na operesheni za kijeshi za majini zisizokoma za Wanajeshi wa Yemen kwa zaidi ya miezi saba, huku makamanda wakionya kwamba hali hiyo ni hatari kwao. "Sidhani kama watu wanaelewa jinsi tunavyofanya ni hatari na jinsi meli zinavyoendelea kuwa hatarini," Cmdr. Eric Blomberg aliiambia AP ndani ya meli ya kivita ya USS Laboon katika Bahari Nyekundu. ...
Read more
-
Image
 China inapaswa kuadhibiwa - mkuu wa NATO Jens Stoltenberg amedai kuwa Beijing lazima ilipe gharama kwa ajili ya kuisaidia Urusi wakati wa mzozo wa Ukraine Katibu Mkuu wa NATO Jens Stoltenberg amesema China lazima ilipe gharama kwa madai ya kuendeleza kampeni ya kijeshi ya Urusi nchini Ukraine, akisema Beijing "inachochea" mzozo huo kwa kusambaza vifaa vya kielektroniki na vifaa vingine muhimu kwa Moscow. "Ukweli ni kwamba China inachochea mzozo mkubwa zaidi wa silaha barani Ulaya tangu Vita vya Kidunia vya pili," Stoltenberg alisema Jumatatu katika hotuba yake katika Kituo cha Wilson huko Washington. "Wakati huo huo, inataka kudumisha uhusiano mzuri na Magharibi. Kweli, Beijing haiwezi kuwa nayo kwa njia zote mbili. Wakati fulani, isipokuwa China itabadilika, washirika wanahitaji kuweka gharama. Stoltenberg ameishambulia China mara kwa mara tangu mgogoro wa Ukraine ulipoanza Februari 2022, akisema kuwa Beijing ilikuwa ikiiwezesha Urusi kupigana dhidi ya Kiev, ...
Read more

Putin asaini mkataba wa kituo cha Mwezi na China

-
 Putin asaini mkataba wa kituo cha Mwezi na China Makubaliano na Beijing yanalenga kuunganisha jukumu kuu la Urusi katika uchunguzi wa anga, Moscow imesema. Rais Vladimir Putin ametia saini sheria ya kuridhia makubaliano ya serikali kati ya Urusi na China kuhusu ushirikiano katika ujenzi wa Kituo cha Kimataifa cha Utafiti wa Mwezi (ILRS). Hati hiyo, ambayo rais anaidhinisha makubaliano ya kwanza yaliyokubaliwa na Moscow na Beijing mnamo 2022, ilichapishwa Jumatano kwenye tovuti rasmi ya habari ya kisheria ya Urusi. Sheria ya uidhinishaji mwezi uliopita ilipitisha nyumba ya chini ya bunge la Urusi, Jimbo la Duma, na wiki iliyopita ilipitishwa na baraza la juu, Baraza la Shirikisho. Makubaliano ya kushirikiana kwenye kituo cha Mwezi "yanakidhi maslahi ya Urusi kwa sababu yatachangia kuimarisha ushirikiano wa kimkakati wa Russia na China" na yatatoa "kuunganishwa kwa jukumu kuu la Urusi katika uchunguzi wa anga ya nje, ikiwa ni pamoja na katika uchunguzi na matumizi ya Mwez...
Read more