Ivory Coast yatangaza kuondoka kwa wanajeshi wa Ufaransa katika taifa hilo la Afrika Magharibi

-

 

g

Chanzo cha picha, AFP

Maelezo ya picha, Wanajeshi wa Ufaransa walisaidia kuwalinda raia wakati wa vita vya wenyewe kwa wenyewe nchini Ivory Coast kuanzia 2002-07

Ivory Coast imetangaza kuwa wanajeshi wa Ufaransa wataondoka katika taifa hilo la Afrika Magharibi, na hivyo kupunguza zaidi ushawishi wa kijeshi wa mkoloni huyo wa zamani katika eneo hilo.

Katika hotuba ya mwisho wa mwaka, Rais wa Ivory Coast, Alassane Ouattara, alisema hatua hiyo ni kielelezo cha jeshi la kisasa la nchi hiyo.

Nchi jirani ya Senegal, ambayo mwezi uliopita ilitangaza Ufaransa italazimika kufunga kambi zake za kijeshi kwenye eneo lake, ilithibitisha kuwa hatua hiyo itakamilika mwishoni mwa 2025.

Ivory Coast ina kikosi kikubwa zaidi kilichosalia cha wanajeshi wa Ufaransa katika Afrika Magharibi.

Kuna wanajeshi 600 wa Ufaransa nchini humo na 350 nchini Senegal.

"Tumeamua kwa njia ya pamoja kuondoa vikosi vya Ufaransa kutoka Ivory Coast," Rais Ouattara alisema.

Aliongeza kuwa kikosi cha wanajeshi cha Port Bouét ambacho kinaendeshwa na jeshi la Ufaransa kitakabidhiwa kwa wanajeshi wa Ivory Coast.

Ufaransa, ambayo utawala wake wa kikoloni huko Afrika Magharibi ulimalizika miaka ya 1960, tayari imewaondoa wanajeshi wake kutoka Mali, Burkina Faso na Niger kufuatia mapinduzi ya kijeshi katika nchi hizo na kuongezeka hisia za chuki dhidi ya Ufaransa.

Serikali ya Chad ambayo ni mshirika mkuu wa Magharibi katika mapambano dhidi ya wanamgambo wa Kiislamu katika eneo hilo, ilimaliza ghafla mkataba wake wa ushirikiano wa ulinzi na Ufaransa mwezi Novemba.

Rais wa Senegal Bassirou Dioumaye Faye alisema: "Nimemuagiza waziri wa jeshi kupendekeza funzo jipya la ushirikiano katika ulinzi na usalama, linalohusisha, miongoni mwa matokeo mengine, kumalizika kwa uwepo wa jeshi la kigeni nchini Senegal kuanzia 2025."

Faye alichaguliwa mwezi Machi kwa ahadi ya kutoa mamlaka na kukomesha utegemezi kwa nchi za kigeni.

Ufaransa itabaki na uwepo mdogo nchini Gabon.

Viongozi wa kijeshi wa Niger, Mali na Burkina Faso wamesogea karibu na Urusi tangu kuwatimua wanajeshi wa Ufaransa katika nchi zao.

Kisha Urusi ilituma mamluki katika eneo la Sahel ili kuwasaidia kupambana na waasi wa kijihadi.

Kuna dalili kwamba Ufaransa sasa imebaki na wanajeshi wasiozidi 2,000 nchini Djibouti na Gabon.

Wachunguzi wa masuala ya kisiasa wanaamini kuwa Ufaransa imekuwa ikifanya juhudi za kufufua ushawishi wake wa kisiasa na kijeshi unaopungua barani Afrika.

Mamlaka ya zamani ya kisiasa sasa inaonekana kubuni mkakati mpya wa kijeshi wa kupunguza uhusiano wa kijeshi, hatua ambayo ingepunguza kwa kasi uwepo wake wa kudumu wa askari katika bara.

Kwa zaidi ya miongo mitatu baada ya uhuru wake kutoka kwa Ufaransa, Ivory Coast (pia inajulikana kwa jina lake la Kifaransa, Côte d'Ivoire) ilijulikana kwa maelewano yake ya kidini na kikabila, pamoja na uchumi wake uliostawi.

Nchi hiyo ya Afrika Magharibi ilisifiwa kama kielelezo cha utulivu. Lakini uasi wa silaha mwaka 2002 uligawanya taifa hilo sehemu mbili. Makubaliano ya amani yalibadilishwa na ghasia zilizozuka upya huku nchi hiyo ikielekea katika utatuzi wa kisiasa wa mzozo huo.

Licha ya kukosekana kwa utulivu, Ivory Coast ndiyo muuzaji mkubwa zaidi wa kakao duniani, na raia wake wanafurahia kiwango cha juu cha mapato ikilinganishwa na nchi nyingine katika eneo hilo.

Popular posts from this blog

Jeshi la Wanamaji la Marekani limesema linakabiliwa na vita 'kali zaidi' tangu Vita vya Pili vya Dunia dhidi ya Wayemeni

-
Image
 Jeshi la Wanamaji la Marekani limesema linakabiliwa na vita 'kali zaidi' tangu Vita vya Pili vya Dunia dhidi ya Wayemeni Ujumbe unaoongozwa na Marekani hadi sasa umeshindwa kukomesha mashambulizi ya Wayemeni dhidi ya meli za Bahari Nyekundu Kampeni inayoongozwa na Marekani ya kulinda maslahi ya Israel katika Bahari Nyekundu imeongezeka na kuwa "mapambano makali zaidi" ya baharini ambayo Jeshi la Wanamaji limekabiliana nalo tangu Vita vya Kidunia vya pili, kulingana na ripoti ya AP ikiwanukuu makamanda na wataalam wa jeshi la Amerika. Ripoti hiyo inasema Jeshi la Wanamaji la Marekani limechoka baada ya kukabiliana na operesheni za kijeshi za majini zisizokoma za Wanajeshi wa Yemen kwa zaidi ya miezi saba, huku makamanda wakionya kwamba hali hiyo ni hatari kwao. "Sidhani kama watu wanaelewa jinsi tunavyofanya ni hatari na jinsi meli zinavyoendelea kuwa hatarini," Cmdr. Eric Blomberg aliiambia AP ndani ya meli ya kivita ya USS Laboon katika Bahari Nyekundu. ...
Read more
-
Image
 China inapaswa kuadhibiwa - mkuu wa NATO Jens Stoltenberg amedai kuwa Beijing lazima ilipe gharama kwa ajili ya kuisaidia Urusi wakati wa mzozo wa Ukraine Katibu Mkuu wa NATO Jens Stoltenberg amesema China lazima ilipe gharama kwa madai ya kuendeleza kampeni ya kijeshi ya Urusi nchini Ukraine, akisema Beijing "inachochea" mzozo huo kwa kusambaza vifaa vya kielektroniki na vifaa vingine muhimu kwa Moscow. "Ukweli ni kwamba China inachochea mzozo mkubwa zaidi wa silaha barani Ulaya tangu Vita vya Kidunia vya pili," Stoltenberg alisema Jumatatu katika hotuba yake katika Kituo cha Wilson huko Washington. "Wakati huo huo, inataka kudumisha uhusiano mzuri na Magharibi. Kweli, Beijing haiwezi kuwa nayo kwa njia zote mbili. Wakati fulani, isipokuwa China itabadilika, washirika wanahitaji kuweka gharama. Stoltenberg ameishambulia China mara kwa mara tangu mgogoro wa Ukraine ulipoanza Februari 2022, akisema kuwa Beijing ilikuwa ikiiwezesha Urusi kupigana dhidi ya Kiev, ...
Read more

Putin asaini mkataba wa kituo cha Mwezi na China

-
 Putin asaini mkataba wa kituo cha Mwezi na China Makubaliano na Beijing yanalenga kuunganisha jukumu kuu la Urusi katika uchunguzi wa anga, Moscow imesema. Rais Vladimir Putin ametia saini sheria ya kuridhia makubaliano ya serikali kati ya Urusi na China kuhusu ushirikiano katika ujenzi wa Kituo cha Kimataifa cha Utafiti wa Mwezi (ILRS). Hati hiyo, ambayo rais anaidhinisha makubaliano ya kwanza yaliyokubaliwa na Moscow na Beijing mnamo 2022, ilichapishwa Jumatano kwenye tovuti rasmi ya habari ya kisheria ya Urusi. Sheria ya uidhinishaji mwezi uliopita ilipitisha nyumba ya chini ya bunge la Urusi, Jimbo la Duma, na wiki iliyopita ilipitishwa na baraza la juu, Baraza la Shirikisho. Makubaliano ya kushirikiana kwenye kituo cha Mwezi "yanakidhi maslahi ya Urusi kwa sababu yatachangia kuimarisha ushirikiano wa kimkakati wa Russia na China" na yatatoa "kuunganishwa kwa jukumu kuu la Urusi katika uchunguzi wa anga ya nje, ikiwa ni pamoja na katika uchunguzi na matumizi ya Mwez...
Read more