Janga lingine; Kuporomoka kwa mfumo wa afya wa Gaza

-

 


  • Janga lingine; Kuporomoka kwa mfumo wa afya wa Gaza

Msemaji wa Shirika la Afya Duniani (WHO) ametangaza kwamba mfumo wa afya na matibabu wa Gaza umeporomoka, akisema: juhudi zote za shirika hili kwa ajili ya kuhifadhi mfumo wa afya katika Gaza zimeenda na maji.

Daktari Margaret Harris amesisitiza kwamba: Mashambulizi ya Israeli dhidi ya hospitali, wafanyakazi wa afya na wagonjwa hayawezi kukubalika katikka hali yoyote na yanapaswa kusitishwa.

Utawala wa Kizayuni wa Israel, kwa kupuuza sheria na maonyo yote ya kimataifa ya mashirika ya kimataifa, umelenga na kuharibu miundombinu ya afya na matibabu na aghalabu ya vituo vya afya na hospitali za Ukanda wa Gaza. Shambulio dhidi ya Hospitali ya Kamal Adwan na kuteketezwa kwake siku chache zilizopita, ni mfano wa hivi karibuni katika suala hili.

Wizara ya Afya ya Palestina katika Ukanda wa Gaza ilitangaza kuhusiana na hilo kwamba: "Baada ya kuwatishia wagonjwa na waliojeruhiwa kwa silaha, jeshi la utawala ghasibu wa Israel liliwahamisha kwa nguvu hadi Hospitali ya Indonesia ya Gaza na kuichoma moto hospitali hiyo."

Tedros Adhanom Ghebreyesus, mkuu wa Shirika la Afya Duniani, akiashiria utawala wa Kizayuni wa Israel, ameandika katika ujumbe kwenye mtandao wa kijamii wa X kwamba: "Hospitali za Gaza zimekuwa uwanja wa vita, na mfumo wa afya unakabiliwa na tishio kubwa. Sitisha mashambulizi dhidi ya hospitali. Watu wa Gaza wanahitaji kupata huduma za matibabu. Waokoaji wanahitajikka ili kutoa usaidizi wa kiafya. Sitisha mapigano."

Tangu kuanza kwa vita vya Gaza, utawala wa Kizayuni umeshaua shahidi zaidi ya madaktari na wauguzi elfu moja wa Kipalestina katika mashambulizi ya makusudi  dhidi ya wafanyakazi wa afya katika Ukanda wa Gaza, na zaidi ya wafanyakazi 300 wa matibabu wamekamatwa na kuteswa. Takwimu zinaonyesha kuwa hospitali 34 zimeshambuliwa  kutokana na mashambulizi ya Israel na vituo 80 vya afya vimeharibiwa kabisa.

Shirika la Hilali Nyekundu la Palestina linasema hadi hivi karibuni ni hospitali tatu tu ndizo zilikuwa zikifanya kazi kaskazini mwa Gaza ya mwisho ikiwa ni Hospitali ya Kamal Adwan.

Kwa mazingira haya, hali sasa imekuwa ngumu zaidi kwa wakazi wa Gaza. Pamoja na kuporomoka kwa mfumo wa matibabu, hali ya hewa ya baridi, na ukosefu wa vituo vya afya, kuenea kwa magonjwa ya kuambukiza kama vile kipindupindu kumeongezeka, na wagonjwa wengi wanaohitaji matibabu endelevu wanashindwa kuendelea na matibabu yao.

Kwa mazingira haya, hali sasa imekuwa ngumu zaidi kwa wakazi wa Gaza. Pamoja na kuporomoka kwa mfumo wa matibabu, hali ya hewa ya baridi, na ukosefu wa vituo vya afya, kuenea kwa magonjwa ya kuambukiza kama vile kipindupindu kumeongezeka, na wagonjwa wengi wanaohitaji matibabu endelevu wanashindwa kuendelea na matibabu yao.

Hospitali ya Kamal Adwan

Munir Al-Barsh, Mkurugenzi Mkuu wa Wizara ya Afya ya Gaza, alieleza katika taarifa yake kile kinachotokea kaskazini mwa Gaza kuwa mauaji ya kimbari, ambayo yanaonyesha kushindwa kwa dhamiri ya binadamu. Alisema: "Kinachotokea Gaza leo kinapita zaidi ya jinai za kawaida na ni mauaji ya kimbari kwa maana yake kamili, yanayotekelezwa mbele ya macho ya walimwengu."

Njaa na baridi sasa vinatishia maisha ya wakaazi wa Gaza kuliko hapo awali. Shirika la Chakula Duniani (WFP) pia ulitangaza: "Njaa imeenea kote Gaza na tunaweza tu kutoa chakula kwa theluthi moja ya wahitaji huko Gaza, kwa upande mwingine, wimbi la baridi na ukosefu wa miundombinu ya msingi ya maji na umeme ni jambo ambalo limesababisha watu wengi wagonjwa na watoto kufa kutokana na baridi kali." Kulingana na takwimu zilizochapishwa, idadi ya watoto wachanga ambao wamekufa kutokana na baridi huko Gaza katika wiki iliyopita imefikia 7.

Philippe Lazzarini, Kamishna Mkuu wa Shirika la Umoja wa Mataifa la Kuhudumia Wakimbizi wa Kipalestina UNRWA pia alitangaza kwamba watoto huko Gaza wanaganda kama theluji kutokana na baridi na ukosefu wa makazi, na kwamba Israel hairuhusu mablanketi na vifaa vya baridi kuingia. Gaza.

Mashirika ya kimataifa ya kutoa misaada yameonya rasmi kuhusu maafa ya sasa. Kuhusiana na hili, Shirika la  Chakula Duniani lilisisitiza haja ya pande zote kuheshimu sheria za kimataifa wakati wote na kuunga mkono hospitali, vituo vya matibabu, na wafanyakazi wa misaada, na kutoa wito wa kukomeshwa mara moja kwa mapigano na utoaji wa misaada kote Gaza.

Margaret Harris msemaji wa Shirika la Afya Duniani alisema pia: Hivi karibuni timu kutoka Shirika la Afya Duniani itatumwa kwenda Gaza ili kutathmini mahitaji ya eneo hilo na upungufu wa vifaa vya hospitali.

Ukosefu wa hospitali, madaktari na wafanyakazi wa afya, uhaba wa dawa, chakula, baridi, pamoja na kufungwa kwa njia za misaada na wanajeshi wa Israel, vimekamilisha mzunguko wa uhalifu na mauaji ya kimbari ya Israel huko Gaza. Yote haya yanatokea huku nchi za Magharibi, licha ya kauli mbiu zao za kibinadamu na madai ya kujitolea kwa sheria za haki za binadamu, zikiendelea kufumbia macho uhalifu wa Israel na kuendeleza msaada wao wa kisiasa, kifedha, na kijeshi kwa utawala wa Kizayuni.

Popular posts from this blog

Jeshi la Wanamaji la Marekani limesema linakabiliwa na vita 'kali zaidi' tangu Vita vya Pili vya Dunia dhidi ya Wayemeni

-
Image
 Jeshi la Wanamaji la Marekani limesema linakabiliwa na vita 'kali zaidi' tangu Vita vya Pili vya Dunia dhidi ya Wayemeni Ujumbe unaoongozwa na Marekani hadi sasa umeshindwa kukomesha mashambulizi ya Wayemeni dhidi ya meli za Bahari Nyekundu Kampeni inayoongozwa na Marekani ya kulinda maslahi ya Israel katika Bahari Nyekundu imeongezeka na kuwa "mapambano makali zaidi" ya baharini ambayo Jeshi la Wanamaji limekabiliana nalo tangu Vita vya Kidunia vya pili, kulingana na ripoti ya AP ikiwanukuu makamanda na wataalam wa jeshi la Amerika. Ripoti hiyo inasema Jeshi la Wanamaji la Marekani limechoka baada ya kukabiliana na operesheni za kijeshi za majini zisizokoma za Wanajeshi wa Yemen kwa zaidi ya miezi saba, huku makamanda wakionya kwamba hali hiyo ni hatari kwao. "Sidhani kama watu wanaelewa jinsi tunavyofanya ni hatari na jinsi meli zinavyoendelea kuwa hatarini," Cmdr. Eric Blomberg aliiambia AP ndani ya meli ya kivita ya USS Laboon katika Bahari Nyekundu. ...
Read more
-
Image
 China inapaswa kuadhibiwa - mkuu wa NATO Jens Stoltenberg amedai kuwa Beijing lazima ilipe gharama kwa ajili ya kuisaidia Urusi wakati wa mzozo wa Ukraine Katibu Mkuu wa NATO Jens Stoltenberg amesema China lazima ilipe gharama kwa madai ya kuendeleza kampeni ya kijeshi ya Urusi nchini Ukraine, akisema Beijing "inachochea" mzozo huo kwa kusambaza vifaa vya kielektroniki na vifaa vingine muhimu kwa Moscow. "Ukweli ni kwamba China inachochea mzozo mkubwa zaidi wa silaha barani Ulaya tangu Vita vya Kidunia vya pili," Stoltenberg alisema Jumatatu katika hotuba yake katika Kituo cha Wilson huko Washington. "Wakati huo huo, inataka kudumisha uhusiano mzuri na Magharibi. Kweli, Beijing haiwezi kuwa nayo kwa njia zote mbili. Wakati fulani, isipokuwa China itabadilika, washirika wanahitaji kuweka gharama. Stoltenberg ameishambulia China mara kwa mara tangu mgogoro wa Ukraine ulipoanza Februari 2022, akisema kuwa Beijing ilikuwa ikiiwezesha Urusi kupigana dhidi ya Kiev, ...
Read more

Putin asaini mkataba wa kituo cha Mwezi na China

-
 Putin asaini mkataba wa kituo cha Mwezi na China Makubaliano na Beijing yanalenga kuunganisha jukumu kuu la Urusi katika uchunguzi wa anga, Moscow imesema. Rais Vladimir Putin ametia saini sheria ya kuridhia makubaliano ya serikali kati ya Urusi na China kuhusu ushirikiano katika ujenzi wa Kituo cha Kimataifa cha Utafiti wa Mwezi (ILRS). Hati hiyo, ambayo rais anaidhinisha makubaliano ya kwanza yaliyokubaliwa na Moscow na Beijing mnamo 2022, ilichapishwa Jumatano kwenye tovuti rasmi ya habari ya kisheria ya Urusi. Sheria ya uidhinishaji mwezi uliopita ilipitisha nyumba ya chini ya bunge la Urusi, Jimbo la Duma, na wiki iliyopita ilipitishwa na baraza la juu, Baraza la Shirikisho. Makubaliano ya kushirikiana kwenye kituo cha Mwezi "yanakidhi maslahi ya Urusi kwa sababu yatachangia kuimarisha ushirikiano wa kimkakati wa Russia na China" na yatatoa "kuunganishwa kwa jukumu kuu la Urusi katika uchunguzi wa anga ya nje, ikiwa ni pamoja na katika uchunguzi na matumizi ya Mwez...
Read more