Sababu za Serikali ya Mamlaka ya Ndani ya Palestina kufuata muelekeo sawa na wa utawala wa Kizayuni dhidi ya HAMAS

-

 

  • Sababu za Serikali ya Mamlaka ya Ndani ya Palestina kufuata muelekeo sawa na wa utawala wa Kizayuni dhidi ya HAMAS

Serikali ya Mamlaka ya Ndani ya Palestina imeendelea kufuata muelekeo sawa na wa utawala wa Kizayuni wa Israel dhidi ya Harakati ya Muqawama wa Kiislamu ya Palestina HAMAS kwa kutoa amri ya kufungwa Chaneli ya Televisheni ya Al Jazeera ya Qatar huko Ramallah.

Siku ya Jumatano usiku, Mamlaka ya Ndani ya Palestina ilitangaza kuwa imepiga marufuku shughuli za Al Jazeera kwa sababu ya ilichokiita "kukiuka sheria na kanuni za ndani na kutangaza maudhui za kichochezi".
Kutokana na uamuzi huo, shughuli zote za ofisi ya Al Jazeera ndani ya Palestina, ikiwa ni pamoja na utangazaji wa vipindi na shughuli za wanahabari na maripota wa chaneli hiyo zimesimamishwa.
Ofisi ya Al Jazeera, Ramallah, Ukingo wa Magharibi

Hatua hiyo iliyochukuliwa na Mamlaka ya Ndani ya Palestina inaweza kuchambuliwa kwa kuzingatia nukta kadhaa.

Kwanza ni kuwa, hatua hiyo imechukuliwa wakati kabla ya hapo, utawala wa Kizayuni nao pia ulishaipiga marufuku Al Jazeera kutangaza katika ardhi zinazokaliwa kwa mabavu zilizopachikwa jina bandia la Israel. Kwa hivyo, kilichofanywa na Mamlaka ya Ndani ni muendelezo wa harakati za utawala wa Kizayuni dhidi ya Muqawama wa Palestina hususan Hamas. Hivi karibuni, na katika hatua inayofuata muelekeo wa utawala wa Kizayuni dhidi ya Hamas, Mamlaka ya Ndani ya Palestina iliwatia mbaroni na kuwaweka kizuizini wanachama wa Hamas, na ikamuua shahidi pia kwa kumpiga risasi mwandishi mmoja wa habari iliposhambulia mikusanyiko ya watu hususan katika mji wa Jenin.
 
Nukta nyingine muhimu ni kwamba, Mamlaka ya Ndani ya Palestina imesimamisha shughuli za Al Jazeera huko Ramallah katika hali ambayo, televisheni hiyo ni miongoni mwa vyombo vichache vya habari katika eneo vinavyoakisi jinai za utawala wa Kizayuni dhidi ya Ghaza; na kwa kufanya hivyo, imeukasirisha na kuughadhibisha utawala huo ghasibu. Na ni kwa sababu hiyo pia, ndio maana Harakati ya Jihadul-Islami ya Palestina imetoa taarifa, ambayo mbali ya kuikosoa Mamlaka ya Ndani ya Palestina kwa kusimamisha shughuli za Al Jazeera mjini Ramallah, imesisitiza kuwa, hatua hiyo inakinzana na muelekeo wa vuguvugu la umma kimataifa la kuwatetea Wapalestina na kulaani jinai za utawala wa Kizayuni. Jihadul-Islami imeongezea kwa kusema, kuifungia Al Jazeera isiendeshe shughuli zake kwa visingizio vya kisiasa, kutapelekea kufichika mauaji ya kimbari yanayofanywa na utawala wa Kizayuni na kutoakisiwa na vyombo vya habari.
Image Caption
Jinai za utawala wa Kizayuni, Ghaza zinazoakisiwa na vyombo vya habari, ikiwemo Al Jazeera

Harakati ya Muqawama wa Kiislamu ya Palestina HAMAS, nayo pia imetoa taarifa ikisema, uamuzi wa Mamlaka ya Ndani ya Palestina wa kuipiga marufuku Televisheni ya Al Jazeera ni ukiukaji wa uhuru wa kutoa maoni na ni hatua ya kukandamiza uhuru wa vyombo vya habari, ambayo inalenga kunyamazisha sauti kinzani na kudhoofisha haki na uhuru wa wananchi, ndani ya Palestina.

Hamas imeuelezea uamuzi huo kuwa ni sehemu ya mfululizo wa hatua zinazochukuliwa kiholela na Mamlaka ya Ndani na kusisitiza kwamba, uamuzi huo ambao si wa kisheria, umechukuliwa katika mazingira nyeti na hasasi yanayohitajia zaidi kuliko wakati wowote ule, kuakisiwa habari huru, sahihi na zisizo za upendeleo kuhusu jinai za kinyama zinazofanywa na utawala wa Kizayuni.
 
Nukta nyingine ni kwamba, inavyoonekana, Mamlaka ya Ndani ya Palestina inazitumia jinai na mauaji ya kimbari yanayofanywa na utawala wa Kizayuni huko Ghaza kama fursa ya kujipatia maslahi ya kisiasa kwa makundi ya Muqawama wa Palestina na vilevile kama fursa ya kuinua nafasi yake ya kisiasa. Na hii ni katika hali ambayo, hatua za kiusalama na dhidi ya vyombo vya habari unazochukua Mamlaka ya Ndani ya Palestina dhidi ya makundi ya Muqawama zinaweza kusababisha makabiliano na mapigano ya ndani baina ya Wapalestina badala ya kuinua na kuboresha nafasi ya kisiasa ya mamlaka hiyo. Suala hili limebainishwa pia katika taarifa ya Harakati ya Jihadul-Islami ya Palestina; na harakati hiyo imeionya Mamlaka ya Palestina juu ya kutokea fitna za ndani yakiwa ni matokeo ya hatua ya mamlaka hiyo kufuata mkumbo na muelekeo wa kiuadui wa utawala wa Kizayuni.../

Popular posts from this blog

Jeshi la Wanamaji la Marekani limesema linakabiliwa na vita 'kali zaidi' tangu Vita vya Pili vya Dunia dhidi ya Wayemeni

-
Image
 Jeshi la Wanamaji la Marekani limesema linakabiliwa na vita 'kali zaidi' tangu Vita vya Pili vya Dunia dhidi ya Wayemeni Ujumbe unaoongozwa na Marekani hadi sasa umeshindwa kukomesha mashambulizi ya Wayemeni dhidi ya meli za Bahari Nyekundu Kampeni inayoongozwa na Marekani ya kulinda maslahi ya Israel katika Bahari Nyekundu imeongezeka na kuwa "mapambano makali zaidi" ya baharini ambayo Jeshi la Wanamaji limekabiliana nalo tangu Vita vya Kidunia vya pili, kulingana na ripoti ya AP ikiwanukuu makamanda na wataalam wa jeshi la Amerika. Ripoti hiyo inasema Jeshi la Wanamaji la Marekani limechoka baada ya kukabiliana na operesheni za kijeshi za majini zisizokoma za Wanajeshi wa Yemen kwa zaidi ya miezi saba, huku makamanda wakionya kwamba hali hiyo ni hatari kwao. "Sidhani kama watu wanaelewa jinsi tunavyofanya ni hatari na jinsi meli zinavyoendelea kuwa hatarini," Cmdr. Eric Blomberg aliiambia AP ndani ya meli ya kivita ya USS Laboon katika Bahari Nyekundu. ...
Read more
-
Image
 China inapaswa kuadhibiwa - mkuu wa NATO Jens Stoltenberg amedai kuwa Beijing lazima ilipe gharama kwa ajili ya kuisaidia Urusi wakati wa mzozo wa Ukraine Katibu Mkuu wa NATO Jens Stoltenberg amesema China lazima ilipe gharama kwa madai ya kuendeleza kampeni ya kijeshi ya Urusi nchini Ukraine, akisema Beijing "inachochea" mzozo huo kwa kusambaza vifaa vya kielektroniki na vifaa vingine muhimu kwa Moscow. "Ukweli ni kwamba China inachochea mzozo mkubwa zaidi wa silaha barani Ulaya tangu Vita vya Kidunia vya pili," Stoltenberg alisema Jumatatu katika hotuba yake katika Kituo cha Wilson huko Washington. "Wakati huo huo, inataka kudumisha uhusiano mzuri na Magharibi. Kweli, Beijing haiwezi kuwa nayo kwa njia zote mbili. Wakati fulani, isipokuwa China itabadilika, washirika wanahitaji kuweka gharama. Stoltenberg ameishambulia China mara kwa mara tangu mgogoro wa Ukraine ulipoanza Februari 2022, akisema kuwa Beijing ilikuwa ikiiwezesha Urusi kupigana dhidi ya Kiev, ...
Read more

Putin asaini mkataba wa kituo cha Mwezi na China

-
 Putin asaini mkataba wa kituo cha Mwezi na China Makubaliano na Beijing yanalenga kuunganisha jukumu kuu la Urusi katika uchunguzi wa anga, Moscow imesema. Rais Vladimir Putin ametia saini sheria ya kuridhia makubaliano ya serikali kati ya Urusi na China kuhusu ushirikiano katika ujenzi wa Kituo cha Kimataifa cha Utafiti wa Mwezi (ILRS). Hati hiyo, ambayo rais anaidhinisha makubaliano ya kwanza yaliyokubaliwa na Moscow na Beijing mnamo 2022, ilichapishwa Jumatano kwenye tovuti rasmi ya habari ya kisheria ya Urusi. Sheria ya uidhinishaji mwezi uliopita ilipitisha nyumba ya chini ya bunge la Urusi, Jimbo la Duma, na wiki iliyopita ilipitishwa na baraza la juu, Baraza la Shirikisho. Makubaliano ya kushirikiana kwenye kituo cha Mwezi "yanakidhi maslahi ya Urusi kwa sababu yatachangia kuimarisha ushirikiano wa kimkakati wa Russia na China" na yatatoa "kuunganishwa kwa jukumu kuu la Urusi katika uchunguzi wa anga ya nje, ikiwa ni pamoja na katika uchunguzi na matumizi ya Mwez...
Read more