Uchunguzi wa jinai za askari wa Uingereza; ni wa kweli au kiini macho?

-


  • Uchunguzi wa jinai za askari wa Uingereza; ni wa kweli au kiini macho?

Gazeti la The Guardian limeandika kuwa, Wizara ya Ulinzi ya Uingereza imetangaza kuwafungulia mashtaka askari 9 wa kikosi maalumu cha jeshi la nchi hiyo kwa tuhuma za kufanya jinai za kivita nchini Syria na kwamba limeanzisha uchunguzi wa kimahakama dhidi ya mwanajeshi mwingine kwa tuhuma za kufanya jinai nchini Afghanistan.

Gazeti la The Times pia limethibitisha habari ya kufunguliwa mashtaka wanajeshi wa Uingereza, na kutangaza kuwa wanajeshi watano wa kikosi maalumu cha jeshi la nchi hiyo kinachojulikana kwa jina la SAS wanatuhumiwa kufanya uhalifu wa kivita nchini Syria zaidi ya miaka 2 iliyopita, na huenda wakafunguliwa mashtaka katika mahakama ya kijeshi. Wanajeshi hawa wanatuhumiwa kumuua mtu asiye na hatia ambaye walimtaja kuwa mlipuaji wa kujitoa mhanga. Lakini kwa mujibu wa gazeti la Daily Mail, mtu huyo hakuwa amevaa fulana ya kujilipua kwa bomu wakati alipopigwa risasi na kuuawa.

Askari wa Uingereza na Marekani walifanya uhalifu mwingi wa kivita Afghanistan.

Hii si mara ya kwanza kwa jeshi la Uingereza, kama ilivyo Marekani na hata Ujerumani, kutangaza kwamba limetambua na kuwafungulia mashtaka wanajeshi waliofanya uhalifu nchini Afghanistan, Syria au Iraq. Hapo awali, kulichapishwa mamia ya ripoti na malalamiko kuhusu vitendo vya uhalifu vya askari wa Uingereza nchini Afghanistan na Iraq, lakini serikali ya Uingereza na Wizara ya Ulinzi ya nchi hiyo wanajaribu kuficha uhalifu huo.

Uchunguzi halisi wa jinai zilizofanywa na askari wa nchi hizo hususan huko Afghanistan, unaonyesha kuwa, kiasi na jinsi ya jinai zao ni kubwa na za kutisha mno kadiri kwamba jinai kubwa zilizofanywa na wahalifu katika historia ya binadamu zinaonekana si lolote si chochote. Ingawa habari nyingi kuhusu jinai za askari wa Uingereza au Marekani nchini Afghanistan hazijachapishwa kwa uwazi, lakini uvujaji wa baadhi ya habari unaonyesha kuwa, askari hao wahalifu walianzisha jela za kibinafsi nchini Afghanistan, na mbali na kuwasulubu raia wa nchi hiyo kwa aina mbalimbali za mateso ya kimwili na kiakili, walikuwa wakishindana kuua idadi kubwa zaidi ya raia nchini Afghanistan. Kukata vidole vya maiti, kuvamia nyumba za watu nyakati za usiku, kukashifu mila na desturi za kidini za watu wa Afghanistan, kuwakamata watu kiholela na kuchoma moto kitabu kitakatifu cha watu wa nchi hiyo, yaani Qur'ani Tukufu, ili kuwapa mashinikizo na mateso ya kisaikolojia, ni miongoni mwa mienendo isiyo ya binadamu ya askari wa Uingereza na Marekani katika nchi walizozikalia kwa mabavu kama vile Afghanistan.

Pamoja na haya yote, msemaji wa jeshi la Uingereza amedai jeshi la nchi hiyo lina mienendo ya viwango vya ya juu zaidi. Hata hivyo, madai haya yanakadhibishwa na jinai za kutisha zilizofanywa na jeshi la Uingereza katika makoloni na maeneo yote yaliyokalia kwa mabavu na nchi hiyo. Kwa kuzingatia hayo yote, swali la msingi ni kwamba je, tangazo la kufunguliwa mashtaka dhidi ya askari wahalifu wa Uingereza ni la kweli? Na je, wahalifu hao wataadhibiwa?

Askari wa Marekani wakivamia nyumba ya raia, Afghanistan

Tunapoangalia kesi nyingine za kufunguliwa mashtaka askari watendajinai wa Uingereza au Marekani tunaona kuwa, kuchapisha ripoti kama hizo ni hatua ya kimaonyesho tu ya kupotosha fikra za watu na kutaka kuonesha sura ya "ubinadamu" ili kusafisha sura mbaya wa majeshi yao; Kwa sababu mpaka sasa vyombo vya mahakama vya wavamizi hao waliozikalia kwa mabavu nchi za Afghanistan, Iraq na Syria ama havijatoa hukumu dhidi ya askari wa nchi hizo waliotenda jinai na uhalifu au kama wamehukumiwa basi hawajaadhibiwa kivitendo.

Wakati huo huo, kuchapishwa kwa baadhi na ripoti za kujiua baadhi ya askari wahalifu wa Uingereza au Marekani kutokana na matatizo ya akili na mateso ya dhamiri zinazowasuta, kunaonyesha ukubwa wa uhalifu wa askari hao ambao wameshindwa kustahamili na kuamua kujiua.



Popular posts from this blog

Jeshi la Wanamaji la Marekani limesema linakabiliwa na vita 'kali zaidi' tangu Vita vya Pili vya Dunia dhidi ya Wayemeni

-
Image
 Jeshi la Wanamaji la Marekani limesema linakabiliwa na vita 'kali zaidi' tangu Vita vya Pili vya Dunia dhidi ya Wayemeni Ujumbe unaoongozwa na Marekani hadi sasa umeshindwa kukomesha mashambulizi ya Wayemeni dhidi ya meli za Bahari Nyekundu Kampeni inayoongozwa na Marekani ya kulinda maslahi ya Israel katika Bahari Nyekundu imeongezeka na kuwa "mapambano makali zaidi" ya baharini ambayo Jeshi la Wanamaji limekabiliana nalo tangu Vita vya Kidunia vya pili, kulingana na ripoti ya AP ikiwanukuu makamanda na wataalam wa jeshi la Amerika. Ripoti hiyo inasema Jeshi la Wanamaji la Marekani limechoka baada ya kukabiliana na operesheni za kijeshi za majini zisizokoma za Wanajeshi wa Yemen kwa zaidi ya miezi saba, huku makamanda wakionya kwamba hali hiyo ni hatari kwao. "Sidhani kama watu wanaelewa jinsi tunavyofanya ni hatari na jinsi meli zinavyoendelea kuwa hatarini," Cmdr. Eric Blomberg aliiambia AP ndani ya meli ya kivita ya USS Laboon katika Bahari Nyekundu. ...
Read more
-
Image
 China inapaswa kuadhibiwa - mkuu wa NATO Jens Stoltenberg amedai kuwa Beijing lazima ilipe gharama kwa ajili ya kuisaidia Urusi wakati wa mzozo wa Ukraine Katibu Mkuu wa NATO Jens Stoltenberg amesema China lazima ilipe gharama kwa madai ya kuendeleza kampeni ya kijeshi ya Urusi nchini Ukraine, akisema Beijing "inachochea" mzozo huo kwa kusambaza vifaa vya kielektroniki na vifaa vingine muhimu kwa Moscow. "Ukweli ni kwamba China inachochea mzozo mkubwa zaidi wa silaha barani Ulaya tangu Vita vya Kidunia vya pili," Stoltenberg alisema Jumatatu katika hotuba yake katika Kituo cha Wilson huko Washington. "Wakati huo huo, inataka kudumisha uhusiano mzuri na Magharibi. Kweli, Beijing haiwezi kuwa nayo kwa njia zote mbili. Wakati fulani, isipokuwa China itabadilika, washirika wanahitaji kuweka gharama. Stoltenberg ameishambulia China mara kwa mara tangu mgogoro wa Ukraine ulipoanza Februari 2022, akisema kuwa Beijing ilikuwa ikiiwezesha Urusi kupigana dhidi ya Kiev, ...
Read more

Putin asaini mkataba wa kituo cha Mwezi na China

-
 Putin asaini mkataba wa kituo cha Mwezi na China Makubaliano na Beijing yanalenga kuunganisha jukumu kuu la Urusi katika uchunguzi wa anga, Moscow imesema. Rais Vladimir Putin ametia saini sheria ya kuridhia makubaliano ya serikali kati ya Urusi na China kuhusu ushirikiano katika ujenzi wa Kituo cha Kimataifa cha Utafiti wa Mwezi (ILRS). Hati hiyo, ambayo rais anaidhinisha makubaliano ya kwanza yaliyokubaliwa na Moscow na Beijing mnamo 2022, ilichapishwa Jumatano kwenye tovuti rasmi ya habari ya kisheria ya Urusi. Sheria ya uidhinishaji mwezi uliopita ilipitisha nyumba ya chini ya bunge la Urusi, Jimbo la Duma, na wiki iliyopita ilipitishwa na baraza la juu, Baraza la Shirikisho. Makubaliano ya kushirikiana kwenye kituo cha Mwezi "yanakidhi maslahi ya Urusi kwa sababu yatachangia kuimarisha ushirikiano wa kimkakati wa Russia na China" na yatatoa "kuunganishwa kwa jukumu kuu la Urusi katika uchunguzi wa anga ya nje, ikiwa ni pamoja na katika uchunguzi na matumizi ya Mwez...
Read more